Mavhesi emuBhaibheri Ane Mukurumbira kubva kuna मत्ती 7

Pakurirana nevamwe

“ज़ो तुमारी ज़ुरत आ परमेश्‍वरा कु मांगौ, ता सेऊ तुमुकै दिआ आ, लोड़ा लै ता तुमुकै मिला। खटखटावा लै, ता तुमुलै खुला सा।

कैलैकि ज़ुण मांगा तेसलै परमेश्‍वर दिया सा, और ज़ुण लोड़ा लौ तेसकै मिला, और ज़ुण खटखटावा लौ तेसलै दार खुला सा।”

“एथीलै ज़ुण-कुण मेरी एज़ी बुशै शुणियौ तिऊं माना सा, सै तेस आदमी ज़िणै ई ज़ुणिऐ घौरा चाणदी बारै ज़बीन डुंगी खोदियौ पाकी ज़ागाह दी पौई बोशाल़ी आ

एज़ी बज़ाह कु ज़िणौ तुमै लोगु कु च़ाहा ई कि लोग तुमु आइलै कौरा, तुमै भी तिऊं आइलै तिणौ कौरौ। कैलैकि मुसा रै नियम और भविष्यवक्ता री लिखी ऐन्दी बुशु रौ एज़ौ मतलब आ।”

कैलैकि सांगड़ौ आ सेऊ दार और काठी आ सै बाट ज़ो सौदा री ज़िन्दगी भिलै पौउंच़ावा सा। और थोड़ै ई सै लोग ज़ो तिंआ बाटा दी हांडा ई।

“परमेश्‍वरा रै राज़्य दी सांगड़ै दारा बाटी डैऔ, कैलैकि खुलौ आ सेऊ दार और आसान आ सै बाट ज़ो विनाशा री तौरफा दी पौउंच़ावा। और भौरी सी ज़ुण तिंआ बाटा दी डेआई।

ज़ैबै तुमै बुरै हुइयौ आपणै लोल़डेऊ लै आच़्छ़ी च़िज़ै दैणी ज़ाणाई, तैबै सौरगा दी रौइणै वाल़ौ सारेऊ रौ बाब आपणै मांगणै वाल़ै लोल़डेऊ लै पवित्र आत्मा कैलै ना दैंदौ?

“कासी दी भी झ़ुठै आरोप नाईं लाऔ तैबै तुमु दी भी झ़ुठै आरोप नाईं लागदै। कैलैकि ज़िणौ तुमै आरोप ला ई, तिणी ई परमेश्‍वर भी तुमु दी भी आरोप ला सा। ज़िणौ तुमै दुजेऊ आइलै बर्ताव कौरा ई तिणी परमेश्‍वर भी तुमु आइलै बर्ताव कौरा आ।

पर ज़ुण-कुण मेरी एज़ी बुशै शुणाई और तिऊं माथै नाईं आण्डदै, सै तेस निर्बुद्धी आदमी ज़िणै औआ लौ ज़ुणिऐ आपणौ घौर बाल़ु माथै चाणौ।

“तू आपणै भाई री आखी दी सांगर कैलै देखा ई, का तांउकै आपणी आखी रौ डिगंच़ौ नाईं च़ौगरिंदौ? ज़ैबै तेरी ई आखी दी डिगंच़ौ आ ता तैबै तू आपणै भाई लै किणौ बोली सौका ई, ‘भाई टेक हाऊं तेरी आखी रौ सांगर गाड़ाऊ?’

“झ़ुठै भविष्यवक्ता कु बौच़ियौ रौएऊ, ज़ो भेरी रै रुपा दी तुमु काऐ आशा ई, पर असली ता सै धेड़नै वाल़ै शाल़टै ई। तिंउरै कामा रै ज़ौरिऐ तुमै तिऊं रुवावा ई। का लोग झ़ाड़ी कु अंगूर, या कांडै वाल़ै पेड़ा कु फेड़ु रौ फौल़ चोड़ाई?

एज़ै ज़ौरिऐ हर एक आच़्छ़ौ पेड़ आच़्छ़ौ फल़ आणा सा।

आच़्छ़ौ पेड़ निकामौ फल़ नाईं आणी सौकदौ, और ना निकामौ पेड़ आच़्छ़ौ फल़ आणी सौकदौ।

ज़ो-ज़ो पेड़ आच़्छ़ौ फल़ नाईं आणदौ, तेस काटियौ आगी दी पा ई। तिणी ई तिऊं झ़ुठै भविष्यवक्ता लै भी सौज़ा मिला आ