Mavhesi emuBhaibheri Ane Mukurumbira kubva kuna Lúcas 21

Pakurirana nevamwe

Jecute ajuso uaqueo ga dimane uágome yiríringárique yui. Enga ca oyo uacaja ujetiga acatecãchoi Dupade iji deréjnane jnese ujetiga apíchome cuchade udore jnese jne ujetiga chise uaque. Acatecãchópoi Dupade rĩ ujetiga ca agutúyo uágome Dupade utocaidi uyu jne ujetiga agúsoi yiquei.

Jecute añuchopúsu uacadode guio. Socaseti ca anínaño yu jeta yise uáguiji uacate gajnarétigo gánique: ujetiga qué beyoi piboqueréringai adode ome uaque to, jeoga qué ójiyo yote pioi ga yote pioi yuque uaque. Jeoga yise uáguiji uacáyuguhebátigarique ome erámi jogosóningo cucha udore.

Mu ujetiga adotayopísa uáguiji uacanguretigai enga a eso uacáringáringo ueca jne iji deréjnane jnese.

Uje a yerané uacáyipie etotiguérigo to ome uaque jne, jé aja pirajatigárique rĩ ujetiga arajáyo uacaru quitígo ome ore. Uje a ca uacamajosórone chiraja daru quitígo ome uaque jne gu ujetiga ore chajnai uaque.

Gaté, jnumi a ore íjnoque jnese jne. Mu jé basa ga a ca yuruode íjnoque to jne. A ore chise dáringane tocachucho jnese.

Mu cuchade udojo quigade enga jé basa ga erámi unirisórone a ore chimópo ore ingongóningáringo ome guedé, guedoside, guédodie ore rĩ. Ga a jogadi tu jne ujetiga chajuque erámi unirisórone ore agutedie jnese. Uje a yote quedéjnane chijocase re iji jnumone jne ujetiga pésu dajocarãque cuchátigo. Jecute a erámi jogosórone a ore cho sere iji jmainie jne ome ore isadodéringáringo. Uje ore áyipiedie déji cuchade udore gu ujetiga tocade iji erámi údode jnese. Ujetiga doi datéringáringo ome guedé, guedoside, guédodie ujetiga ore chijocase re iji gaté jne rĩ. Mu a ore chejna cuchade udojo guesi jne ga jé u ujeta yiqueta yu aja ore ujetiga ore chimo Dupade utocaidi uyu. Mu ujetiga yṍraji gaté ome ore ga yibiéraque u gue abujáraque aja jnumi ujetiga ore pañaji yúringai ujopíerãque, yúringai pujnuéngaisṍre rĩ.

Mu a chise dínique to jne ujetiga ayoréode iji erámi údode ore chetaguipise uaque. Mu a uacabade u yadode uje uacatatayo.

Ga a jnupe tãrarachutígo chise uaque to. Jé aja chaguhéode ujetiga socárome uaque. Jé aja dequejnaréquedatérigo rĩ ujetiga tṍraji dajñarenie ome uaque. Jé basa ga cuchárigo a tṍraji gaté to jne ujetiga cucha pimojma ujetiga chajuque ayoréode uacagutedie iji jnumi tudé jnese jne.

A angáchoi pujnoméringo ome pocaningane iji erámi údode jne. A adúchopo rĩ ujeta ore tagu yoqueduguéjnane aja ome dajocaningane ujeta ore chejna ñane iji erámone údode. Mu jé ca chajuque uacagutedie gotique. Uje a arajáyo jne uje bajácho cuchade udore jnese ujetiga tocade. Mu erámone eruei cáma upúsu gotique jne.– Qué Jesús jno dacajnaquéode udore údi ga chósi tome ore: –Mu a arajáyo erámi eruei yúode jne ujetiga ayorébuode ore socárome ñane iji erámi údode ome dajocaningádatérigo ome ñane.

Mu cuchade udojo quigade enga jé basa ga erámi unirisórone a ore chimópo ore ingongóningáringo ome guedé, guedoside, guédodie ore rĩ. Ga a jogadi tu jne ujetiga chajuque erámi unirisórone ore agutedie jnese. Uje a yote quedéjnane chijocase re iji jnumone jne ujetiga pésu dajocarãque cuchátigo. Jecute a erámi jogosórone a ore cho sere iji jmainie jne ome ore isadodéringáringo. Uje ore áyipiedie déji cuchade udore gu ujetiga tocade iji erámi údode jnese. Ujetiga doi datéringáringo ome guedé, guedoside, guédodie ujetiga ore chijocase re iji gaté jne rĩ.

Qué Jesús jno dacajnaquéode udore údi ga chósi tome ore: –Mu a arajáyo erámi eruei yúode jne ujetiga ayorébuode ore socárome ñane iji erámi údode ome dajocaningádatérigo ome ñane.

Enga Jesús chojningame ore: –A yingoba quigode aja uaque jne. Mu añuchopúsu uaqueo ujetiga ca pãraque uaque. Uje a jiépisi ayorérigo ore jne ujetiga ore chósi tome uaque: "Cachi uacangarádejnai Crísto uyu arĩ́e. Beyoi ga angáchoi yu." Jeoga ore nararirásome uaque jne ga ore chojningárasome uaque: "Erámi eruei e u udé." Mu jé ca angáchoi udore gotígo ore jne.