Mavhesi emuBhaibheri Ane Mukurumbira kubva kuna Markus 16

Pakurirana nevamwe

Itithogon wenageisasikhesik, wene ageikhe men yogeisasikhe, “Hit he, akhuni inukuloak etaga dopok o yi ai ti ai eloma tha'bokhogonat wene hano wene yi yogeisilik laga dogono o.

It akhuni aperek nen wene iti eberogonat iluk apoagaluk, it wene eberogonat iluk waganugun meke nen, yigithogon hagakhe dogogun. Mokat obabut weak meke it aperek inakla ukiluk werekma an netaga palogo mukhogo ula'isigik, inane it akhuni ninat meke inane inokodek meke elalinat igik, hagakhe dogogun. Itithogon hagakhe dogolik, warlo akhuni inakherek meke inikimo waganhik, it inebe watlasuagaluk akhuni watlageikharek meke isoak akla kolabogo wogeisugunem nikik, hagasugun mekeat he, iti nen weagarinakhe dogogin dek o. Nen, akhuni ageikhe u waganhunem, it nen iniki thebelinabumo, hano aga dogogunat o,” iluk yogeisasikhe.

Yogeisilik lagunem it akhuni aperek nen wene iti eberogonat iluk apagun meke ima usa'inabugun meke, Allah nen tilinabigin mekeat he, it aperek wene iti eberogonat iluk waganugun dek meke Allah nen wene inoba 'biluk weagarinabigin o.

Itithogon wolok dageisikhemo at Yesus agarumi emenogo o yi at ti ai tha'bokhogonat wene yogeisilik lagoukha. Wene yogeisilik lagunem akhuni nen, “It wene yoknisilik wageikha iti eberogonat,” iluk wene hutduagaluk, ninoe Etagapogot inom motok dogolik, it nen elalinat hagakhunem, at nen wene iti obatnetdisikhe.]

Inakmaken lageikhemo, at ap elege meke etnogo nen, men yogeisasikhe, “Hinakmaken lagup o. Yesus ai o Nazaret meke o baga meldiluk wakha etnogo herarik wagap meke re, ebe yoma dek. Allah nen ilugutdekhemo werek o. Warek 'begama etnogo oboluk anek yi hinileken 'bikhani o.

Waga dogolik helekit motok kok meke tetnokhogon 'bisukhasikmo nogo nen, it-it ekhe dogolik men isukha, “Warek helekit tetnokhogon 'bega etnogo, tha nen dipilogo thu hualnisagein,” iluk ilik wagoukha. Itithogon ilik inut thomarek waga lagoukhasik nen, inileken liakhasukha re, helekit etnogo dipilogo la'isukhama thu hualek werekma hasukha. Hasukhasik horokhogon witluk inebe ukisukha re, ap elege meke ageikhe asu kut uanat meke ugu iniki ebeke mot-mot hurek werekma inileken halok nen, inakmaken lageikhe.