Mavhesi emuBhaibheri Ane Mukurumbira kubva kuna Markus 5

Pakurirana nevamwe

Yogokhikhemo, at Yesus nen men yogokhikhe, “Neru. Hetaiken noba hakotdegen iti nen hano agan o. Halok he, hakla hanorogon lan o,” iluk la'isikhe.

Lagoukha etoma meke, he ageikhe amep wago motok werek korlek 12 tahun hagatlageikhe. Amep wago motok dogolik, dokter lak nen hano hagasuagaluk yi dokter ti dokter inayoko 'biluk, u oko wogeisekhe dogolik, ameke motok degetdisikhe mekeat he, amep etnogo dek ageidek yabokane ebenageigat waga lageikhe.

Iki hakhekhe korlek eranogoat, amep etnogo 'bogokhogon dek ageikhemo, akla nen he, “I. An u weagat welagei etnogo, hano hagatnakhe higi,” iluk akla hutdisikhe.

Ukisukhasik, iki hakhalok, nit ninane baga, “Horlak yi, na'but. Melasin, iluk yokhekhe lagei o,” iluk u hak, it inane baga, “Talita kum,” iluk yogokhikhe.

Itithogon yogokhe korlek eranogoat, o akhuni Yahudi meke sembayan egarekma inoe kain etnogo aila nen agarumi yoko wagoukhasik men yogokhukha, “Noe. Ha'but horlak etnogo arat watlagama nen wago. Halok he, ninoe kain wene yakulnisekherek meke ithi, isok alomarogo hipisak luogoluk oba tiolusak nogo? Dek o,” iluk yogokhukha. Yogokhukhama at Yesus nen, it inane asuk holhikhesigat, inane thogotdisalok kain etnogo men yogokhikhe, “Hakla wene munini ebekhun o. Hetaiken an noba hakotdiluk nipisak luok o,” iluk yogokhikhesik lagoukha.

“Yesus Allah Etagapogot a'but yi, nikithogon hagatnabigiluk wagan,” iluk yogokhikhemo, at Yesus nen, “Mokat hobabut weak meke yi, ap yi akla nen dukhi lan o,” iluk yogokhunem, at etnogo ane kokhogon ekhe dogolik, “Eiye. Na'it o. Nopase Allah oak o. Weagatnakhun,” iluk ane kokhogon isikhe. Ane kokhogon isikhemo, at Yesus nen, “Hat hetaga tha,” iluk hinok oba waganhikhemo, at nen men yogokhikhe, “Ninebe doalegat welago iti nen, netaga opaki doalek u hak, netaga Legiun,” yogokhikhe.