Mavhesi emuBhaibheri Ane Mukurumbira kubva kuna Matayo 7

Pakurirana nevamwe

“Lombenyi nanye mopegwa, londolenyi nanye mowona, mukongʼonhe nanye modigulilwa.

Hambi mono yakulomba nha yakupegwa, nayo mono yakulondola yakutuga, na mono yakukongʼonha yakudigulilwa.

“Holeka ku soko yiyo, u munhu wo wose mono ya kuzihulika izinghani zangu no kuzibata, yuyo yehwanile u munhu we mahala, mono yayizenga ikaya yakwe mwitalawe.

Muwatendelaje wanji nha vyono anye mukusaka wene nawo wamutendelenyi nyenye. Na yiyi yo nhunizo yo wulajilize wa Musa, sunga ne mejizo ge wawizi.

Ninga inzila yono yikubita sunga ko ku wumi, finyu, sunga no mulango wo kwinjilila kuko nawo mufinyu, nawo wanhu wacefu du wono wakusuma kuyiwona inzila yiyo.

“Mwinjilile mu mulango u mufinyu. Hambi inzila yono yibitile ku wongomele nha ngazi, sunga no mulango wo kwinjilila kuko nawo mugazi, nawo wono wakuyikola inzila yiyo, wo wenji.

Holeka hono anye mono muli wabi, ninga mumanyile kuwapela iwana wenyu ivinhu viswanu, mbeka, u Sogo yenyu wa ku wulanga kokwituma nha vivyo yacizilize, nayo kowapela iviswanu wose wono wakumulomba.

“Mulece kuwalingʼaniza wanji, holeka nanye simolingʼanizwa no Mulungu, hambi nha mu nghango yono mukuwalingʼaniza wanji, ale nanye nha vyo molingʼanizwa nha vivyo, ne cipimo ci cilya du cono mukucitumamila kuli wanji, co cipimo cico du cono u Mulungu nayo kolomupimilenyi na nyenye.

Ninga muli wose mono yakuzihulika izinghani zangu zizi, hamba kuzibata, ale yuyo yehwanile no munhu mulele mono yazenga ikaya yakwe mwisangha.

Alu nhawule wukucilanga icilagala cono cili mu liso lyo nduguyo, na akuno si wukusuma kuliwona ilibici lyono lili mu liso lyako go mweneco? Hamba kosuma nhawule kumulonjela u nduguyo wutye, ‘Gwe ndugu yangu, leka ta nghuwuse icilagala cono cili mu liso lyako,’ na kumbe gwegwe go mweneco, wina libici mu liso lyako?

“Mwilanjililaje kuli iwawizi wo wulambi. Wono wakumuzizenyi, akuno wakwijela kunze nha ngholo, ninga mugati yawo ho maminzi makali. Ninga mowamanyila du mu metumo gawo. Aluʼmbi iwanhu wakuwa kuhepa zi zabibu mu mabici ge mamiya, hamba zinghuyu mu mabijili? Aa, ngʼo!

Holeka u mubici muswanu wulelaga mikalo miswanu, no mubici mubi wulelaga mikalo mibi.

U mubici muswanu si wosuma kulela mikalo mibi, hamba u mubici mubi nawo siwosuma kulela mikalo miswanu.

No mubici wo wose wono si wukulela mikalo miswanu, wukutemangwa no kutajilwa mu moto.