Mavhesi emuBhaibheri Ane Mukurumbira kubva kuna Jǒn 6

Pakurirana nevamwe

Jisos o-sét kámbé o/fu, me n-chi i berêt mú dyikpen. Nang yeě nké o/bê o-kâm mě, esong ee*ba/chi e-nwa ǎ*. Nang yeě to nké o/bángê ne me ne dyityém emen, omu oo*ba/chi o-jê ǎ*.

Busun ḿbú Osówo nké mbu bu-kyâ dyikpen. Busa ḿbú onet bu*fí ké chwǒm*. Byiraa ḿbyí nn/raa ne ben, Busun ḿbú Osówo nké mbu bu-kyâ dyikpen ké mbyí.

*Da n̂g ekûchi bǎmkpóngé ḿbé byiryíng ḿbyí byidabên*. Nké kû n̂g echi bǎmkpóngé ḿbé byiryíng ḿbyí byida běn ewaa ké dyikpen ńdyí ne banyá. Byiryíng ḿbyín, Wǎn-Onet nké o/chi o-kye běn, ké nǎ, Osówo mú Bonchí eten oo/tông ekap ké bubwô Wǎn ámu.

Ké ebóng, ńkyí Bonchí ejí mu o-ryuu ng nkyi něen o/fu, kángkáng banet ḿbé ba/ri Wǎn emen ne ba-bángê ne nyǐ ne atyém ebe, bafiri ne dyikpen ńdyí ne banyá, ne me n/chi n-jwóbê kámbé ké bukyû ba-firi ké dyikpen, ké nkuli kyikû-dyicí.

Jisos o-faa kámbé o/fu, nyín bǎmkpóngé ḿbé Osówo mu o-ryuu ng o/fu, ben bachi, ben, bángê ê ne atyém enen ké onet mú nyǐ o/twóm.

Nang yeě mú Bonchí ejí mu o-kúng ng ǎ o-kyâ mě, o/chi o-ba-kâm mě. Me mm*ba/chi n-ró onet nang obónge mú mu o-bâ o-kâm mě*.

Sámon Pyíta o-faa ǎ o/fu, Otu Kyítá, be byi-jâ byi-kâm yeě. Wo nké amu ne bǎmpém ḿbé badakye dyikpen ńdyí ne banyá.

Me mu berêt mú dyikpen mú o/fím kyíbóng. Nang yeě nké o/ryí berêt mún o/chi o-kyú ké dyikpen ńdyí ne banyá. Berêt mú me n/chi n-kye ǎ, ányi enyam-byiko ejí nyí me n/chi n-kye, eringe nyí banet ba/chi ba-já dyikpen.

Onet o*fí mú odaman ebê o-kâm mě* tete Osówo mú Bonchí ejí, mú o/twóm mě o-tut ǎ o-fárâng mě. Ne me to n/chi n-jwóbê onet ámu o-bwa ké dyikpen, ké nkuli kyikû-dyicí.

Ké ebóng, berêt mún mú Osówo mu o-kyâ běn, ányi nyǐ mú o/fím kyíbóng o-ba-kye ejíí dyikpen.

Me mu berêt mú dyikpen.

Jisos o-yip berêt ámu o-kó Osówo asǎma, ne o-kyii kámú o-kye banet ḿbé ba/kyú ányi. O-chi to eringe ebónge ne ekworê ányi. Bujê-banet ámbe ba-ryí eringe nyí kyi/kwárê kámbé. Ké nkéré mú kángkáng banet baa/ryí ba-zût, Jisos o-sét bǎmgbán emen o/fu, bwóp n̂g ekén nyí e/waa kyísí. Kyi*da/bát ńkyí badamîng onyin nang obónge o-bên*.

Ké nkéré bǎmgbán emen baa/fung ókpǐ ba-ribi wǎ bakyilómyíta batánge nang nyâchât, ba-ri Jisos ké o-kú o-cen n twóóm kyíbóng-kace, o-fárâng ng ókpǐ o-bâ, ne bushî bu-róng kámbé. Jisos o-sét kámbé o/fu, *da n̂g eshî*. Me nké mu m-bâ.