Mavhesi emuBhaibheri Ane Mukurumbira kubva kuna LUKAS 8

Pakurirana nevamwe

Aingge amberak aga mudi panoma wukige enogo eti, ir akuni wene abok enogo inaruk kolalkugwa mende eti arar o. Nen inaruk kolalku lagugwarik, nen inilitimo pano anda tagama nggwe inom nen wene ebebar mende yitagama nggwe inom, nggidik nggedek erogo batarugwa. Nen ir enogo pago mondok kigik enggen yiku lagugwa.”

Aingge amberak wiridi adok werek mende akla wukige ernogo, ir akuni wene enogo abok inaruk kolalkugwa mende eti ndak-ndak, ogwe ir o agar paga ya, iniluk erekma waganekma, we adeknggen mban nugu dogu inakla ebeku dogolir, iniliti pirik parik ekwi arar o. Nen ebe eti nen arar nggidi nggedo erogo bagetekma, inenggen pipak kode togo yirurak ndak dek arar o.

Nen aingge yigom nggirikmo wurar lagage mende eti, ir akuni wene eti inaruk kolalku lagugwarik, iniliti adeknggen paga arar waganggugwa eti ndak-ndak o. Nen ir iniliti ebebar andarugwa mende eti we dudu negen arar ma, nen inabur mbalka paga, wene enogo mi erogo mbo birugwa o.

Tuguluk Ar Yesus nen Ar aworomi mutok lagwi mende yoraga dogolir, “Kir kiniliti An noba ebebar andagik dek eti nenaluk?” Ir enogo inobade atuk, bi waku dogolir, wene ar ambi yogik yugu dogolir, “Ar akuni yi ta kogo? Wiya inom nen i tarin inom ane yoragi nangge, Ar ane kolalka yi.”

Aingge tuan paga wurar lagage mende eti, ir akuni wene inaruk kolalkugwa mende eti arar o. Ogwe ar Iblis enogo waga lagagerek, akuni iniliti ebebar andamo, ir inebe ndilinabigin kigi yiluk, wene enogo inilitimo nen ndili wagage o.

Kimago agarik mende etoma ambi gwak kimago dogogin mondok dek o. Wene aborama lakbi lakbo mbalek mende ambi kenam agikdek nen inilu agikdek ambi dogogin mondok dek arar o yir.

Yugwi dalok, ar kwe ernogo, Ar ekige mende enogo obok inilu agama yiluk, akla ebetagage. Ma kwe enogo aganak ndilker Ar Yesus apma tebe yi wagage. Tebe yi waga lagagerek, ir akuni yemenogo inilka paga obogar, nenaluk Ar Yesus iyom pakta lagage mende enogo mbililogo yega, nen u oba mende enogo eta eka kigik ar dek aga o, yiluk mbililogo yoragage. Yigi nanggige Ar Yesus nen yega dogolir, “Nakbur o, kiliti An Noba ebebar andagen paga, koba u dek aga o. Ma kiliti adeknggen paga arar kuma lan o!” yiluk yorige.

Nen ir Ar Yesus mutok lagwi mende yemenogo, Ar iluk ekbi lagugwarik yogu dogolir, “Guru wae, Guru wae, yogo nir maduk ago arar o!” Nen Ar Yesus iluk atuk, wiya kakde inom nen i tarin pu dengga ekige enogo inom, wenemuk kwanaber darige. Nen wiya kakde inom, nen i tarin enogo inom, inabodok dek agugama, i danau enogo abodok dek arar etagage.