Mavhesi emuBhaibheri Ane Mukurumbira kubva kuna MARKUS 14

Pakurirana nevamwe

“Ae Nombae, Nombae o, Kar nen erurak ndak dek mende ambi dek arar o. Ma An noba anggin panggin waganigin yi, Kar nen waganin o. Ogwe An nakla andagi paga kwak dek ogwe, Nombae kakla andagen mutok mban erin o,” yiluk etegerogo ekige.

Yoga lagagerek ir obogar Yesus nen yoraga dogolir, “Kiniliti kinagurengge nen pano mende erurak andega ogwe, kinebe akuni paga eti, kinobarne dek o. Kir kinauk mbalu enogo yiluk, tuam wakwi, tamban ekwi, etegerogo eku dogoni o.”

Kiniliti ebebar andani o! O agar paga yoma obogar, ya paga nda paga, Pano Wene Allah abok mende eti yorar lagwi, kwe yi nen yegerogo eke yoma, kinakla eberek dogolir, akuni mbililogo yorar lano o,” yiluk yoragige.

Ar Yesus nen yoraga dogolir, “An niliti buru yiluk, nobabur kamburak negen ernabir taga o. Etegerogoma kir ya dogolir, tuam Waku dogoni o!”

Ir erom nunggu dogolir, Ar Yesus roti inggimo wagangga lagagerek, Nombae Allah wa, yiluk tamban ekige. Tamban eka lagagerek roti enogo inggi paga ugurogo, Ar mutek lagwi mende yomanogo wogoraga dogolir, yegerogo yoragige, “Yi An Nebe arar ma, waganogo nani o,” yiluk yoragige.

Etegerogo obok yoraga lagagerek, i anggur amburu todek igirak cawan akla waganggige. I anggur amburu todek enogo inggimo obok wagangga lagagerek, “Nombae Allah wa,” yiluk tamban eka lagagerek, i anggur amburu todek igirak cawan akla enogo, Ar aworomi yomanogo wogoragage. Wogoragagemo, ir Ar aworomi mutek lagwi mende yomanogo obogar, i anggur amburu todek enogo narugwa. Arar nunggu lagugwarik, Ar Yesus nen yoraga dogolir, “Yi An namep yi paga, Ar Allah Ane amburu yirige mende eti obogar yalogo birige o, nen An namep ndiyalogo wuragin enogo eti, akuni pakalok inake o.

Etegerogo ekbiluk, Ar Yesus nen ir yoraga dogolir, “Kir obogar An togok baniluk kode mbugulugun o. Kir etegerogo erugun etoma, Alkitab akla diru warek eti yegerogo werek o, ‘Ar Allah nen gembala enogo waka kalok, ir domba kuak erek yomanogo inadikindik inadikendak kode mbugulugun o,'

Ibar melarni luok nen. Kinil lak kani! Ap An naruwak nen yiluk yonggo laga mende enogo, korok waga yi o,” yiluk yoragage.

Yorigi nanggige, Ar Yesus nen yega dogolir, “Kakla eberek dogono o, o yogondak kukbaga yi ar, tewe ayam ane inggi mbere paga auwan yigikdek kigik, Yesus eti an nonggokdek o yiluk, kar kenggal mende kinggi mbere ambi paga yigin o.”