Mavhesi emuBhaibheri Ane Mukurumbira kubva kuna MARKUS 13

Pakurirana nevamwe

Kir An Mutnarek wagwi paga, ir akuni obogar nen ina'ir kinoba andagun ar o. Ogwe kir kiniliti abodok dek obarne werek dogogun kalok, kinagap endarigin o,” yiluk yoragage.

Yoraga lagagerek, “O endi paga warurak kinenggokdek arar ma, kiniliti dikbiluk dogolir, tuam waku dogoni o.

Kir kede warogo pengadilan binagi lagwi kalok, wene nenggerogon yugun yiluk kiniliti pirik erugup o. Wene yurak paga arar o panggo yega kalok, wene yokeragun mende eti yino arar o. Nenaluk, wene kir nen yugun mende eti, kir kinane mende dek o, ogwe wene eti Ar Roh Allah eti Ane mende arar o.

Mbogor inom, agar inom, eti dek arigin arar ogwe, An nane kwak eti dek arigin mondok dek o,” yoragage.

Yoraga lagagerek, wene ambi yoraga dogolir, “O eta paga warurak inom, mo il ya paga warurak inom, akuni obogar inogokdek arar o. Ir malaikat mbogor taga mende Ar Akbur eti ogwe onggokdegar, Nen ar ilu eti Ar Allah adigar o,” yiluk yoragige.

Kir nen wim agum ane tubuk yega kolalkwi, nen wim tumbukwi abok wene kinaruk koldiluk, kinobade andagup o. Etegerogo etoma obogar mondok etarigin o, etegerogo etarir waga kalok, o ugu kudi paga erurak mende arar etaga o, yiluk kinakla andagup o.

Nenaluk, Ar uma werek enogo o keyanggwi warigin a, o kukbaga warigin a, o ambirkidik elagabi waga kigik a, o keyalek mo il ndedek togon a, o endi paga warigin kinenggokdegar ma, kinilugar dogolir, tuam pik pak waku dogoni o. Ar tubuk togon eberek dekma arar warumo, kir nogo yugunem il kineya warurak ma o. Kir nen tuam pik pak waku dogu yiluk yorkeragi yi, ir akuni amberak inom ar yoragi o!” yiluk yoragage.

Ap inalebunu ambi nen, ap inalebunu adik ambi inom wim ekwi. Ir negara ambimo nen, ir negara ambimo inom wim ekwi. Ya nda etoma lugur eka, nen erom nogado mondok nggok didarek etarigin o. Kwe elege il bagalek kener warir taga talek, etoma obogar ibibir erir waga kugun o.

Wene Pano Wene Ar Allah Ane yi, akuni inalebunu dombok etoma, ir ndak inilu erogo baurak o.

Ir akuni aktibar nen, An nendaga yir wagu dogolir, ‘An eti Ar arar o,’ yiluk ir akuni obogar nugurogo bugun o.

Kir kinebe tuam pikpak wartagu dogono o. Nenaluk kir kinebe pagago nen wokinarek ap agama wene pago mende majelis eti inoba ya binagagik eku dogolir, tamban erir tagama nggwe etomala ndugi kinakwi, An Mutnarek lagwi yi paga, ir ap raja-raja inom nen ap nggaindak o pago welagwi mende etoma inuwagam binagi lagwi, erugun o. Etegerogo wokninarek lugun etoma nanonggal ma, kir nen An Nabok mende ir inaruk taga bagalogo yorano ar o.

Ir akuni ndilinakwa inenggalar mende inom nen ir nabi-nabi inenggal mende inom kinoba warugun enaga o. Etegerogo yir wagu dogolir, ir akuni Allah akburi mirogo pulogo barige mende enogo, nomal inaburak ndak a, dek a, yiluk elalin erukbuk mende erir wagwi dagun o.

Yoraga lagagerek, Ar Yesus nen wene ambi men yorarige, “O elokte maduk mende eti eka dogoluk, nen molinggi amum ataga, tur akbinak dek etaga erigin o. Dadi kuragal mbogor taga nen nggilu-nggilu agar taga wura waga, nen ir mbogor taga odo yoma inobarne werek dogi tagwi mende yomanogo, nengger taruok talek nggakbuk dida yugun o.