Mavhesi emuBhaibheri Ane Mukurumbira kubva kuna João 4

Pakurirana nevamwe

Hiwejikalurni Hoyakalu hiyáhoni rimalwutjene haluk-himalwuretlu riwejinriyna hiyrun-koxa hpotuknu hchinikanuymana.

Seyni rapokhohnetanu, halikaka wale hohne hapokatka, Hoyakalu himalwutatshine potu himalwutanru Hirtshi Hoyakalu riwejinriyna hiyrun-koxa hpotuknu hchinikanuymana. Klu tshinanu Hirtshi Hoyakalu halukna rimalwutjene wane pixka hixatshine rixyawakna.

Seyni katuktako honha hita henekjexyalu hiratshri hikeklu ronunnahatewatanu. Klu tshinanu honha hita henekjexyalu hakopha rixnatkawa hisatu hitokoteya. Hiweklu hikeklu hohne mnikawnakatupa renekanru.

Waneya Jesus hihitlo wla htshinro: — Pimatkamkalu Hoyakalu henekachle hiyrun-koxa pimatkamkalu panjitjeru wla tshinatshri, honha putanno waneyamka honha panjixinri wale waneya walemka henekanyi honha hiweklu heneklewatatshri.

Waneya Jesus wla tshinna: — Nnijitni waleni nyokanatjeru halujyawaka nkamhiywaka hiyrunu nnikaxyawakaplu hkamrure nenejikolu.

Waneya suxo wla ttshinru: — Honha sajikapi hi pwiya hiyrun-koxa tenopnalu honha yehi. Hiyáhoni hanhe pixa kochpakletanru xye honha hiweklu heneklewatatshri?

Waneya suxo wla ttshinru: — Nimatlu Messias honukla Cristo tshinkaluru hinanu halikaka. Runiniklunu ptowru potuko ruhle hinkakletanwu. Waneya Jesus wla tshinro: — Walekno hita, hitakni hiynumsatyi pixa.

— Hinanu hetapanru satu jeji ptowruka nkamhaleru nunkakjeru. Hi he xawaka Cristo-katkani wale?