Mavhesi emuBhaibheri Ane Mukurumbira kubva kuna Luku 5

Pakurirana nevamwe

Nogha ne ghua ghu Zisas ngengenena, manei neke kahe ghua iahi ka Saemoni “O kave lao tuna rauru mo ka ta rokarokasa ani, o la kai hinaeri ghu nomu volo nira, voloizoghurira keha namari,” neke ghua ghini.

“Manefaa agho” neke ghua Saemoni, “ghai nake toraina voriti redu kamoto ini, ghe e deo ma heve ta hio fatina. Ghe no kahei agho, a ke la va zoghu hinaeri ghu ghai voloizoghu idi.” !Ka fafata ianimu, ira voloizoghu dike toraina age foudui namaridi, dike to age tatanigai reku ghu!

Ghe Zisas mu e fani lao ka ira malau ta ghou mala la taraina.

Ara mu aka meha ghidi mo ira noni ta lotoro, nga nake meha mala kudori ira noni ta auri sasake, edi mala taghuru kairi ghu ira puhidi ta muko.”

Ne age fini ghu Saemoni Pita ta ghuana ianimu, manei neke la torongaghituturu hinae ka kenuna Zisas, ghe neke kahe ghua nga iahi, “Lod, o ghahe kaiau ara ia noni ta toraina sasake fuludu, ta deo ga fata ghu meha au namona ka agho.”

Zisas neke ungene tughuri, “Noni ta doli vehana mu, eka kuhana ghini ghu ia dokita, nga ira ta fogarari lama.

Tugha vonai tuna ka kavao ia nodi koaka, nai kairira vahina leghutau nga, gedito leghui ghu ma Zisas, dike ghua.

Zisas neke la dufu fati kaike mane ta lepa kamoto ira tinina, ka kaike malau fafaana. Ka ia fafata fini laoi Zisas, manei neke la torongaghituturu rorogho hinae ka kavao, neke fangai ghu Zisas ta va vehaina. “Lod, noto lao hihingou la agho, o ke va vehau.” Zisas neke haghara lao, neke posi laoi ghu ia mane. “Ara na lao hihingogu mo. !O veha gheu!” neke ghua Zisas. Ianimu lama neke to age mamalahu ghu ia tinina ia mane ta lepa.

Ne ghua mo ianimu neke kaheina Zisas ghe, neto suufu laoni ma mamagali ongahanana ia tuturina ia mana ka manei, dike to la meha ghu ira leghahai varigharadi noni, meha nonomoho nodi tuturi beanana nia ta mala va doliri ghedira ka fogara, e ghua.