Mavhesi emuBhaibheri Ane Mukurumbira kubva kuna Lukas 8

Pakurirana nevamwe

Tabolo win kamoun ta tana kadauka, natuʄai ata karangewe Liinai Alla, ka ijalawe ta ateɗa kadahha mono kalurha. Nyiɓatauɗage, yiɗɗa ɗahatena hakitana mono rayi butage kadahha tuʄai win kahakitana wuu habutana kadahha.”

Win kamoun ta jonga rabta kaman tarana, natuʄai ata karangewe Liinai Alla, tanyiɗuwe ɗagelagaga mono ɗakamaꞌge mourha kamajaɓola lohho dahhage pan-tana. Tangngad raɗa mawalena kulha ɗangaꞌmage hatenaɗa, tuʄai win aika wuu dahha.

Win kamoun ta hadau kahawatna, natuʄai ata karangewe Liinai Alla, ɗahiba waige lagahara ate. Tanyiɗuwe Liinai Alla walna kalartaꞌmawe ta ateɗa. Hoꞌhege mahiggo ɓaɗa hatenawe, ɓa kole ha amge kamakaɓa yiɗɗa wale ɗahil hatenaꞌmai Alla.

Nyiwei Yesus manahanewe tabaraɗa, “Ahha mi mawalem hatena tabara-Gu?” Maɗa ɓangara mono ɗamadauta. Maliɗage ɓaɗa pahaggawikɗa hanewe, “Iyatakkaɗai naɗe ata kaharehayi naɗa rereha mono ngalung, maɗa liɓawa tabara-Na?”

Nna win kamoun ta lara, natuʄai ata karangewe Liinai Alla. Tanyiɗuwe ammini kabalka karamage wal ta atena, tannam ka ila ɗahatena mono ila ɗamanemara.

Enga walaꞌma kaɓunyi aiha eta; mono enga walaꞌma hakamiꞌha aika huuna mono aiha tada.

Naɗa lawai walena ingtaꞌma kaɓunyge ɓa nyi kaʄoʄai Yesus. Nyiwe mana kadaddaka ɓana mai kawoʄo ta aronai Yesus. Manahalarawe ta aro tangngaɗa ata ahha mana ʄoʄai Yesus, neɗa mema taggahawe kalawarana oroge ɓana ɓe haʄoʄai Yesus. Malinagei Yesus tabarana, “Ana-Gu, oroge yau ɓam hatena tabara-Gu, yaum taggahawu. Ɓatauge haggawu, kamkako waina mouli.”

Ana hakodo halolenai Yesus ɗakako tabara-Na maɗa haraɗui. Maliɗage, “Ama Guru, Ama Guru, yitta mate tabulodage!” Yesus nakaɗe mana harehai naɗa rereha mono ngalung kalla. Rereha mono ngalung nakaɗannawe.