Mavhesi emuBhaibheri Ane Mukurumbira kubva kuna SAN JUAN 4

Pakurirana nevamwe

Taita Diosca Espiritumi. Shina cashcamantami paiman mañaccunaca Diospac Espíritu yuyaita cucpi, pai ima shina cashcata yachashpatac mañana can— nirca.

Taita Diosman mana nic tucushpalla mañana punzhaca ñami chayamucun, cunanllatacmi chai punzhaca. Shina cacpica, Diospac Espíritu yuyaita cucpimi, Taita Dios ima shina cashcata yachashpatac mañangacuna. Chashna mañaccunatami Taita Diosca munan.

Ashtahuanpish ñuca cusha nishca yacuta maijanpish ubiacca, jaicapi mana yacunachingachu. Ñuca cusha nishca yacuca paipica huiñai causaita cuc, tucyacuc yacu shinami tiyanga— nirca.

Shina nicpi Jesusca: —Canca Taita Dios imata cusha nicushcatapish, shinallatac pi yacuta mañacushcatapish mana yachanguichu. Yachashpacarin, canracmi ñucaman ‘yacuta carai’ nishpa mañanguiman. Chashna mañacpica, causaita cuc yacutami cuiman— nirca.

Shina nicpi, Jesusca cashnami nirca: —Ñuca micuna shinaca ñucata cachac Taita Diospac munaita ruhuanami, shinallatac pai imata ruhuachun nishcata tucuchinami.

Shina nicpi, chai huarmica cashnami nirca: —Amito, yacu jundupish ucumi. Imahuan huishinallatapish, mana charinguica. Shina cashpaca, ¿ima shinatac causaita cuc yacutaca cunguiyari?

Shina nicpi chai huarmica: —Quishpichic Cristo nishca Mesías shamuna cashcataca yachanimi. Pai shamushpami, tucuita alli huillanga— nirca. Shina nicpi Jesusca: —Chaica canhuan parlacucllatacmi cani— nirca.

—Shamuichic, shuc runata ricunguichic. Paica tucui ñuca imata ruhuashpa causacushcatami huillan. ¿Manachu paica Quishpichic Cristo canga?— nirca.