Mavhesi emuBhaibheri Ane Mukurumbira kubva kuna San Lucas 23

Pakurirana nevamwe

Eꞌñe allempo korsoꞌtamphsosetpaꞌ Jesúsñapaꞌ ateth maꞌyochamphsosana ñeñth eꞌmoñeꞌteneꞌ, ñeñthpaꞌ ateth ot: —Nomporchaꞌ theꞌpaꞌ pephretnanetepaꞌch tharroꞌmar ñetpaꞌ poꞌñoxhpaꞌ ama eñoteneto ñeñth atet yexhkatenet, ñeñth ama pokteyaye. Allempoña solltarneshaꞌpaꞌ yellsheñeꞌchatoñet paꞌshtam poꞌswertoth atthoch orrta poesheñaꞌtets ñeñthchaꞌ yorayeseꞌ poemaꞌtets.

Jesúsñapaꞌ ateth och: —Napaꞌ poꞌñoxhkaꞌye notaph, eꞌñe thayekma parroꞌtseneychaꞌ kosheñtso.

Allempoña ñapaꞌ ateth otan Jesús: —Napaꞌ peyerpaꞌwerrnoꞌthach allchaꞌ phaꞌmhchaꞌtarethetwerra.

Allempoña Jesúspaꞌ rrana. Poerranarothpaꞌ ateth ot: —Nomporchaꞌ theꞌpaꞌ oꞌ nepomoerra eꞌñe phokop eꞌñe nekamkëñowen. Eꞌñe ñeñtha otwapaꞌ oꞌ rroma.

Allempoña xhapachet all oteñet Poñetallephno, allña korsoꞌtamphsosetña epoet ñamha epsheña ñeñth amtsañ, poesheñarr nosñañet poꞌkowenroth, poꞌpsheñeññapaꞌ nosñañet poeꞌchkotheroth.

Allempoña xhap pokto atsneꞌpaꞌ oꞌwañ atsnom, oꞌ eꞌñe chekmetwa errapharen añe patsro. Oꞌña ellerrotnenmochapaꞌ oꞌ alla poetarerr. Allempoña ñeñth besom allo yottampeññañet Parets paꞌpakëll poꞌponro awepaꞌt rrarraꞌnom eꞌñe poktakma, oꞌ eꞌñe ellopaꞌtetsta.

Solltar poꞌcapitáner ñeñth romoꞌmarneshaꞌ ñeñth korsoꞌtamphseꞌ, allempo ateth ent ateth oꞌ pha, ñañapaꞌ allentha ayeꞌchoxhtatan Yomporpaꞌ ñapaꞌ ateth ot: —Añ yakmarpaꞌ poꞌñoxhwakaꞌye eꞌñe atthotha oꞌ yemtsatater, amakaꞌyeña eñalleña atthoch yemtsatatereñ.