Mavhesi emuBhaibheri Ane Mukurumbira kubva kuna SAN JUAN 13

Pakurirana nevamwe

Amee peve metei mborookuai ipɨau vae, jae ko: Peyoaɨu. Peyoaɨu che poaɨu rami. Peyoaɨu yave, opaete ɨvɨ pegua reta oikuaata pe reta cheremimboe reta ko vae.

Ërei yepe tëi che peYa jare Oporomboe vae, ërei ayoe pepɨ. Jáeramo ikavi ko pe reta peyoe vaerä vi pepɨ oyougüi. Echa che kuae aechauka peve, pe reta vi peyapo vaerä che ayapo peve rami.

Jesús jei chupe: —Kuae ayapo aï vae mbaetɨ reikuaa kavi añave, ërei reikuaa kavita ko taɨkue rupi.

Añetete che jae peve, metei tembiokuai mbaetɨi ko ma yae iya güi. Ani temimondo mbaetɨi vi tuichagüe yae imondoa güi.

Kuae peikuaa jare peyapo yave, peyeroviata yaeta ko.

Judas Iscariote, Simón taɨ ipɨa pe aña guasu oñono ma omee vaerä Jesús jovaicho reta pe. Jare Jesús oikuaa kavi ma Tu oñono opaete mbaembae ipo pe. Oikuaa vi ou ko Tumpa güi jare ojo yeta ko Tumpa oïa pe. Jare pɨ̈tu yave Jesús jare jemimboe reta okaru ñogüɨnoi ramboeve, jae opüa mesa güi, omboi jemimonde iarambogua, jare oyekuakua metei toalla pe. Jayave oñono ɨ metei yepoeka pe jare omboɨpɨ oyoe jemimboe reta ipɨ, jare oyoe ma yave, omotini toalla ikúa re güɨnoi vae pe.