Ruka 7
7
Jesu unoporesa muranda womukuru wezana.
(Mat 8:5–13)
1Ɀino wakati apedzisa mashoko ake ose, ʋanhu ʋacianzwa, akapinda Kapernaume.
2Muranda womumŋe mukuru wezana waiɗikanwa naye, wakaŋga acirwara, acitandadza. 3Ɀino wakati anzwa ɀaJesu, akatuma ʋakuru ʋaʋaJuda kwaari acikumbira kuti aʋuye kuzoporesa muranda wake. 4Iʋo ʋakati ʋaciȿika kunaJesu, ʋakakumbira ɀikuru kwaari, ʋaciti: Iye wakafanira kuti mumuitire iɀoɀo; 5nokuti unoɗa rudzi rweɗu, ndiye wakatiʋakira sinagoge reɗu. 6Jesu akaenda naʋo. Ɀino aʋa pedyo neimba, mukuru wezana akatuma shamŋari dzake, kuzoti kwaari: Ishe, musaɀitambudza; nokuti handina‐kufanirwa kuti mupinde mumba maŋgu; 7naiɀoɀo ndakati handifaniri kuʋuya kwamuri; asi taurai henyu shoko, muranda waŋgu ucapora. 8Nokuti neni ʋo ndiri munhu wakaiswa pasi paʋamŋe, ndinaʋarwi pasi paŋgu; kana ndikati kunomumŋe: Enda! unoenda; kunomumŋe: Ʋuya! unoʋuya; nokumuranda waŋgu: Ita cici, unoita. 9Jesu wakati acinzwa iɀoɀo, akashamiswa naye, akatendeʋuka, akati kuʋazhinji ʋakaŋga ʋacimuteʋera: Ndinoti kwamuri: Handina‐kumboʋona kutenda kwakaɗai, kunyaŋge napakati paʋaIsraeri. 10Ʋakaŋga ʋatumŋa ʋacidzokera kumba, ʋakandowana muranda apora.
Jesu unomutsa mŋanakomana wecirikadzi paNaini.
11Ɀino nezuʋa rinoteʋera, wakaenda kuguta rainzi Naini; ʋadzidzi ʋake naʋanhu ʋazhinji‐zhinji ʋakaenda naye. 12Ɀino, wakati acisweɗera pedyo nesuʋo reguta, akaʋona ʋanhu ʋakaŋga ʋakatakura wakafa, mŋanakomana mumŋe woga wamai ʋake, yaiʋa cirikadzi; naʋanhu ʋazhinji ʋeguta ʋakaŋga ʋanaye. 13Ɀino Ishe wakati acimuʋona, akamunzwira tsitsi, akati kwaari: Usacema. 14Ipapo akasweɗera, akaɓata bganyanza; ʋakaŋga ʋacitakura ʋakamira. Akati: Jaya, ndinoti kwauri: Muka. 15Iye wakaŋga afa akagara, akataŋga kutaura; akamupa mai ʋake. 16Ʋakaɓatwa ʋose nokutya; ʋakarumbidza Mŋari, ʋaciti: Muprofita mukuru wakamuka pakati peɗu; ʋuye ɀe: Mŋari wakashanyira ʋanhu ʋake. 17Shoko iri pamsoro pake rikanzwika muJudea rose nenyika yose yakapoteredza.
Johane mubapatidzi unotuma ʋadzidzi kubʋunza Jesu.
(Mat 11:2–19)
18Ʋadzidzi ʋaJohane ʋakamuʋudza iɀoɀo ɀose. 19Johane akaɗana ʋadzidzi ʋake ʋaʋiri, akaʋatuma kunaShe neshoko rokuti: Ko ndimi iye wakaŋga acinzi unoʋuya here, kana ticakatarira mumŋe? 20Ɀino ʋarume ʋaciȿika kwaari, ʋakati: Johane Mubapatidzi wakatitumira kwamuri neshoko rokuti: Ko ndimi iye wakaŋga acinzi unoʋuya here, kana ticakatarira mumŋe? 21Neŋguʋa iyo akaporesa ʋazhinji hosha dzaʋo, noʋurwere, nemŋeya yakaipa; namapofu mazhinji wakaaȿinudza. 22Akapindura, akati kwaʋari: Endai, mundoʋudza Johane ɀamakaʋona neɀamakanzwa; ɀokuti, mapofu anoʋona, ʋanokamhina ʋanofamba, ʋanamaperembudzi ʋanonatswa, ʋematsi ʋanonzwa, ʋakafa ʋanomutswa, naʋarombo ʋanoparidzirwa Evaŋgeri. 23Wakaropafadzwa usiŋgagumbuswi neni.
24Nhume dzaJohane dzakati dzabva, akataŋga kuʋudza ʋanhu ʋazhinji pamsoro paJohane, aciti: Makaŋga maɓuɗa kundoʋoneiko kurenje? Rutsaŋga runozunuŋguswa nemhepo here? 25Asi makaŋga maɓuɗa kundoʋoneiko? Munhu wakapfeka ŋguʋo nyoro here? Tarirai, ʋaneŋguʋo dzinobginya, naʋanogara ɀinonaka, ʋari mudzimba dzamadzimambo. 26Asi makaŋga maɓuɗa kundoʋoneiko? Muprofita here? Hoŋo, ndinoti kwamuri: Unopfuʋura ɀikuru muprofita. 27Uyu ndiye wakanyorwa pamsoro pake, ɀicinzi:
Tarira, ndinotuma munyai waŋgu pamberi pako,
Ucakugadzirira nzira yako pamberi pako.
28Ndinoti kwamuri: Kunaʋakaɓerekwa naʋakadzi, hakunomukuru kunaJohane Mubapatidzi; asi muɗuku muʋushe bgaMŋari mukuru kwaari. 29Ɀino ʋanhu ʋose naʋateresi ʋakati ʋaciɀinzwa, ʋakati Mŋari wakarurama, ɀaʋakaŋga ʋabapatidzwa norubapatidzo rwaJohane. 30Asi ʋaFarise naʋaɗudziri ʋomurairo ʋakaramba kufuŋga kwaMŋari pamsoro paʋo, ʋakasabapatidzwa naye. 31Naiɀoɀo ʋanhu ʋorudzi urwu ndicaʋafananidza neiko? Ʋakafanana nei? 32Ʋakafanana naʋana ʋagere paɗare, ʋanoɗanidzirana, ʋaciti: Takakuridzirai nyere, mukasatamba; takakuririrai, mukasacema. 33Nokuti Johane Mubapatidzi wakaʋuya, asiŋgadyi ciŋgwa, asiŋganwi waini, ɀino moti: Unomŋeya wakaipa. 34Mŋanakomana womunhu wakaʋuya acidya, acinwa, ɀino moti: Tarirai, munhu unokara, nomunwi, neshamŋari yaʋateresi naʋatadzi. 35Asi ʋucenjeri bgunoruramiswa naʋana ʋabgo ʋose.
Mukadzi mutadzi unozodza makumbo aJesu.
36Ɀino mumŋe waʋaFarise wakakumbira kuti adye naye. Akapinda mumba momuFarise uyo, akagara pakudya. 37Ɀino tarira, muguta iro makaŋga munomukadzi waiʋa mutadzi; iye wakati anzwa kuti ugere pakudya mumba momuFarise, akaʋuya necinu cearbastera caiʋa necizoro, 38akamira patsoka dzake mashure make, aciŋgocema, akataŋga kunyoroʋesa tsoka dzake nemisodzi, akadzipisika nevudzi romusoro wake, ndokuȿeta tsoka dzake ndokudzizodza necizoro. 39Ɀino muFarise wakaŋga amuɗana, wakati aciɀiʋona, akareʋa mumŋoyo make, aciti: Munhu uyu, ɗai aiʋa muprofita, uŋgaɗai aiziʋa mukadzi uyu unomuɓata kuti ndiani, ʋuye kuti wakaɗini, nokuti mutadzi. 40Ipapo Jesu akapindura, akati kwaari: Simoni ndineshoko newe. Akati: Reʋai henyu, Mudzidzisi. 41Jesu akati: Ʋanhu ʋaʋiri ʋakaŋga ʋanecikwerete kumunhu mumŋe; mumŋe wakaŋga anecikwerete camadenari anamazana mashanu,#7:41 Mari ineŋge pondo dzinamakumi maʋiri. mumŋe camakumi mashanu.#7:41 Mari ineŋge pondo mbiri. 42Ʋakati ʋashaiwa cokuripa naco, akaŋgoʋakaŋganwira ʋose ʋari ʋaʋiri. Ɀino ndoupiko kwaʋari ucanyanya kumuɗa? 43Simoni akapindura, akati: Handiti ndiye wakakaŋganwirwa ɀizhinji here? Akati kwaari: Wareʋa kwaɀo. 44Ɀino akatendeʋukira kumukadzi, akati kunaSimoni: Unoʋona mukadzi uyu here? Ndakapinda mumba mako, ukasandipa mvura yetsoka dzaŋgu; asi uyu wakanyoroʋesa tsoka dzaŋgu nemisodzi yake, akadzipisika nevudzi rake. 45Hauna‐kundiȿeta, asi uyu ciŋguri candapinda, naana‐kurega kuseta tsoka dzaŋgu. 46Hauna‐kundizodza musoro waŋgu namafuta, asi uyu wakazodza tsoka dzaŋgu necizoro. 47Naiɀoɀo ndinoti kwauri: Ɀiʋi ɀake, ɀiya ɀizhinji, waɀikaŋganwirwa, nokuti wakaɗa ɀikuru; asi unokaŋganwirwa ɀishoma, unoɗa ɀishoma. 48Ɀino akati kwaari: Wakaŋganwirwa ɀiʋi ɀako. 49Ʋakaŋga ʋagere naye pakudya ʋakataŋga kureʋa mumŋoyo yaʋo, ʋaciti: Uyu ndianiko unokaŋganwira ɀiʋi ʋo? 50Akati kumukadzi: Kutenda kwako kwakuraramisa; enda hako norugare.
Zvasarudzwa nguva ino
Ruka 7: SUB1949
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© British and Foreign Bible Society 1949, 2018