Mak 3
3
1GO Yecu ber lo luang de N̤ialic; ku ran ato ran ci cin ruai. 2Ku koic aci dai lan ben ran ca dem akol e T̤abat̤, bik Yecu riet̤. 3Go ran ci cin ruai yok, An kaica cialic. 4Go Yecu koic t̤iec, Ye kepuat̤ akol e T̤abat̤ ban kepuat̤ loi, ko ban keraic loi? ba ran koin, ko ba ran nok? Ku bitke. 5Go Yecu koic ked̤ia liec ku ghok, ku d̤iau puou e riel e koic puot̤, ku yok ran, An ric yicin. Go yecin ric; go cin piat̤. 6Go Parit̤ai goke lo gher, ku mat kerot̤ ke ke koic ke Erod, ku luke luk bik Yecu nok.
7Go Yecu ku koickek puoic goke lo weric. Go koic juec goke ye buot̤ cok. Koic ke Galili, ku koic ke Judaia, 8ku koic ke Jerut̤alem, ku koic ke Aidumia, ku koic ke Jordan long tui, ku koic ke Taia ku T̤aidon, koic juec aret, te ci ke luoide ping eke lo tong yen. 9Go Yecu koickek puoic yok bik rien t̤i be, duongka bi teng dit e koic ye ruok. 10Yecu aci koic juec ca dem, go koic bec goke ye ruok, bik got abaic. 11Ku te ci jak raic ye ting, eke cim piny ku cotke, An yin a Wen de N̤ialic. 12Go Yecu ke yok, An duongka koic aba nyic.
13Ku ler Yecu kur dit nom, ku col koic n̤ier e yepuou: goke lo tong yen. 14Go koic kat̤ier ku rou loic, bik to ke ye, ku bi ke toic bi koic lo wet, 15ku abi nang riel bik jak raic ciec we koic gwup. 16T̤aimon, ran ci Yecu cak col Pita; 17ku Jakop e Debedi, ku Jon wanmet̤ de Jakop, aci Yecu cak col Boanergit̤, wet ke mar e deng. 18Ku Anderu, ku Pilip, ku Bat̤olomu, ku Mat̤u, ku Tomat̤, ku Jakob de Alpeot̤, ku T̤adai, ku T̤aimon ran e pan e Kenian; 19ku Judat̤ It̤kariot ran ci Yecu n̤yian.
Go Yecu lo ghot. 20Ku koic juec aci ber gwer, ku Yecu ku koicke acin te mit̤ kek t̤in. 21Ku te ci mat̤ke ping, ke lo bik Yecu lo kwak piny, ku jamke, An Yecu aci liap. 22Go koic ke waragak ci ben Jerut̤alem goke jam, An yen anong Bield̤e-bol, ku aciec jak raic we koic gwup e riel de bain̤ de jak raic. 23Go Yecu koic col, ku cir wel kela, Bi Cetan bi Cetan ciec? 24Te cine ceng de bain̤ tekic, ceng de bain̤ abi riak. 25Ku te ci koic ke pan tok ke-puot̤ tak piny, ke pane abi t̤ie piny. 26Ku te ci Cetan ro jot e rot, ku bain rot, ekaci koic leu eke t̤ou. 27Acin ran bi lo rum ghon de ran ril, ku kec ran ril kang kwak piny ku dut e yuen, ku jal kake rum la. 28Wek a ya yok ayic, An karaic ke koic ked̤ia abi puol, ku letken ked̤ia ci ke N̤ialic lat: 29ku te let ran Jong Dit Laijik, ke N̤ialic aci keraic de rane bi puol, aci keraic at̤er loi. 30Koic aci jam nia, An yen anong jong raic.
31Ku man ku wanmat̤ken aci ben, ku kaic kepeic, ku t̤onke ye. 32Go koic ci Yecu gol piny goke jam, An mor ku wan-mat̤kuen ato akenbai ayuic yi. 33Go Yecu t̤iec, Ye ma nga? ku wanmat̤kwa nga? 34Ku luit koic ci ye gol ku jiam, An ma ku wanmat̤kwa ekik. 35Ku ran ci puon de N̤ialic loi, yen e wanmat̤, ku yen e n̤yan-kai, ku yen e ma.
Zvasarudzwa nguva ino
Mak 3: CIEC1916
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© British and Foreign Bible Society