Mak 4
4
1GO Yecu ber koic wet wer t̤ok. Go koic juec goke gwer. Ku ler rieic ku n̤yuic t̤in. Ku n̤yuic koic ked̤ia agor nom. 2Ku wet koic ka juec, ku cir wel kela, 3An piangka, ngek aci rab lo pok. 4Go rab kok loin̤ e kweric, ku buo diet ku kwaineke. 5Ku loin̤ rab kok alel nom te kor tiop t̤in, ku daike cil tiom koric: 6ku te bi ruel eke yuom, ku gweke piny acin mei. 7Ku loin̤ rab kok e kuot̤ic, ku cil kuot̤, ku roke rab, ku ci ke lok. 8Ku loin̤ rab kok e tiom puat̤ic, ku daike cil ku ditke, ku lok kok ke kor n̤im, ku lok kok ke dit n̤im, ku ber kok n̤im dit aret. 9Go Yecu jam, An ca ke ca ping koic nong yit̤ ke.
10Ku te to Yecu yetok, ke koic ci dong ke ke koic t̤ier ku rou eke t̤iec Yecu e wel nia. 11Go Yecu ke yok, An wek an̤yic ceng de N̤ialic, ku koic ke akenbai akecke gwa ping. Kek aping wel luel ad̤ok abaic. 12Bik cet e ke yen, ku tingke, ku aci yen apuat̤, bik cet e ke ping, ku pingke, ku aci ken̤im e tak: duongka bi puot̤ken wel, ku bi N̤ialic karaicken puol. 13Go Yecu ke t̤iec, Keicka welciek nia n̤yic? Te uoic wek e welke bak wel kok ber nyic andi? 14Ran pok, apok wel ke N̤ialic. 15Kʼekik to kweric, te ne puong e wel. Ku te ci kek ke ping, ke Cetan dai ben ku n̤yai wel ci puok kepuot̤. 16Ku kok acit rab ci puok alel nom. Te ci ke wel ping, eke muk, ke mit puot̤. 17Ku acin mei, ku to ke emat̤, ku te leteke ku t̤emeke, eke yuek. 18Ku kok acit rab ci puok e kuot̤ic. Kek aci wel ping, 19ku weou, ku ka ke piny ked̤ia alo kepuot̤, ku decke wel ke N̤ialic, ku ci lok. 20Ku kok acit rab ci puok e tiom puat̤ic, koic ci wel ping, ku mukeke kepuot̤, ku lok kok kepuat̤ n̤im, ku lok kok kedit n̤im, ku ber kok n̤im dit aret.
21Go Yecu jam, An nong ran ghat̤ maic len piny mer ku bi tau toinic, ko tau kat lil, aci bi muk n̤ial? 22Acin ke ci kum bi cuok ting wada, ku acin ke ci moin bi cuok n̤yic wada. 23Ca ke ca ping koic nong yit̤ ke. 24Go Yecu ke yok, An tiangka apuat̤ ke cak ping. Acet e ke wek we tek kang eman ke koic abi kakuen ber tek akoldo, ku abi kakuen juak. 25Ran nong kang abi kok ber kap, ku ran cin kang, ke t̤i ato ke ye abi n̤yai.
26Ku ber Yecu jam, An ceng de N̤ialic acit ran pok n̤yin ke wal e tiop nom, 27ku nin ku jo rot nin ked̤ia, ku cil n̤yin ke wal ku ditke, ku yen akuic cilden. 28Ku e piny yetok acil kang t̤in. Ku yic a kong ben be, ku yet̤ abuo cien, ku nom e luok ajal ghet akoldo. 29Ku te ci rab luok, ke koic rab dai riek ku temeke ku jamke, An rab aci luok.
30Ku ber jam, An yengu riec ke ceng de N̤ialic, ye ke cit ngu? 31Acit n̤yin tong de mut̤ad, te com ran e eke n̤yin t̤intet, akor e wal ked̤ia, 32te cen e com, ke cil n̤ial ke dit e wal ked̤ia, nong ker dit, bi d̤iet jal n̤yuic atimdeic.
33Go Yecu koic wet kela nin ked̤ia. Ku wet ke emat̤ bik welke n̤yic. 34Ku te to Yecu ku koickek puoic kepeic ke Yecu wel beric ked̤ia.
35Ku ekole te tong ruel, ke Yecu yok koic, An loku wer long tui. 36Goke koic kok n̤yang ked̤ia, ku ghet̤ke Yecu rieic. Go riet kok lo ke ye. 37Ku buo yom dit, ku atiaktiak piu piek rieic, ku t̤iang rie, 38ku nin Yecu rie t̤ar, aci nom kan. Ku puoicke Yecu, ku jamke, An bain̤, ba koic koin̤ andi? koic amou. 39Go Yecu ro jot, ku waic yom, ku yok atiaktiak, An biatka ku malka. Go yom mukic, ku lo atiaktiak piny. 40Go Yecu jam, Yengu ye we rioic e kela? kaika gwa gam? 41Goke rioic aret, ku t̤iecke rot̤, An yenga kan? yom ku atiaktiak aping welke ku gameke.
Zvasarudzwa nguva ino
Mak 4: CIEC1916
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© British and Foreign Bible Society