Mateu 17
17
Yesu navamwalumuna mweka
(Mako 9:2-13; Luka 9:28-36)
1Kaha omu mwahichile makumbi atanu nalimwe, #25:37; Mako 5:37; 13:3Yesu ambachile Petulu naYakova nandumbwenyi Yowano nakukanduka navo kwauka wavo hapili yakunyunga.
2Kaha Yesu #Loma 12:2; 2 Koli 3:18vamwalumwine mweka kumeso avo. Kumeso enyi kwamunyikile nge likumbi, kaha uvwalo wenyi walumukile utoma to-o nge musana.
3Kaha kwavasolokelele Mose naElija vapwile nakushimutwila naYesu.
4Kaha Petulu ambile Yesu ngwenyi, Ove Mwata, nachiwaha tupwenga kuno. Nge unasake, nangutunga visakila vitatu kuno, chimwe chayOve, chimwe chaMose, chikwavo chaElija.
5Shimbu apwile nakuhanjika, hahaze vene livwi litoma to-o lyavafwikile. Muze #3:17; Yowa 12:28; 2 Pet 1:17-18mulivwi mwafumine lizu lyakwamba ngwalyo, #Samu 2:7Ou Ikiye Mwanami #Isa 42:1ngwazanga, ángusuulwisa chikuma, mwivwililenunga!
6Kaha omu tumbaji twenyi vevwile ngocho, vevwile woma chikuma, kaha valimbilile chameso-hamavu.
7Yesu apandamine kuli vakiko, avakwachile nakwamba ngwenyi, Katukenu #14:27kanda namwivwa womako.
8Kaha omu vandwile meso avo kavamwene wekako, shina Yesu kaha.
9Kaha omu vapwile nakushikumuka kufuma haze hapili, Yesu avalwezele ngwenyi, #8:14; 16:20; Mako 3:12; 5:43; 7:36Kanda mukambulula echi chimweneso kuli wekako, kuvanga Mwanamutu vanamusangula muvafu.
10Tumbaji twenyi vamuhulishile ngwavo, Nyi mwomwo ika vaka-kusoneka veji kwambanga ngwavo, Kuvanga #11:14Elija navangila kwiza?
11Yesu avakumbulwile ngwenyi, mukiko vene Elija mwakeza, kaha mwakahaka cheka vyosena muvihela vyavyo.
12Oloze nangumilweza ngwami, Elija ejile lyehi kaha kavamwijivileko, oloze vamulingile mweshomwo vajinyine. #16:21; 17:22; 20:17; 26:2; Luka 17:25Mwomumwe naMwanamutu nawa linwomu amone makava kuli vakiko.
13Jino tumbaji twenyi chavalumbunukilile ngwavo navuluka Yowano muka-kujimika vatu.
Yesu mwahindula mukweze apwile nandemone
(Mako 9:14-29; Luka 9:37-43)
14Kaha omu vahetele kulizavu, mutu umwe ejile kuli ikiye nakumufukamina,
15ambile ngwenyi, Ove Mwata, achiteteleko mwanami walunga, apwa muka-chikonya eji kuyandanga chikuma. Mwomwo eji kulimbilanga mukakahya namumeya.
16Kaha ngwamunehanga kuli tumbaji twove, oloze kavahashile kumukako.
17Yesu akumbulwile ngwenyi, Enu vaka-chisemunwino chakuzeneka lufwelelo, chakuhingama! Nangutwamanga nayenu palanga nakumwaka uka? Nangumiyanjilanga palanga nakumwaka uka? Munehenu kuno.
18Yesu ahanjikilile uze ndemone kaha amulovokele. Hahaze vene uze mukweze ahindukile.
19Jino tumbaji vapandamine kuli Yesu kwauka wavo nakumuhulisa ngwavo, Mwomwo ika etu katwahasanga kumulovolako?
20Ikiye avambile ngwenyi, Mwomwo lufwelelo lwenu lwalundende. Mwamuchano nangumilweza ngwami, #21:21-22; Luka 17:6; Mako 11:22-23; 1 Koli 13:2; Mako 9:23nge mwapwanga nalufwelelo lwakufwana #13:31nge linona lyambuto yamusetale#17:20 Mbuto yayindende chikuma. Tala 13:31., kachi namwamba #1 Koli 13:2pili yino ngwenu, Nungulukila kuze, kaha nayinunguluka! Kaha kakweshi chuma namuhona kulingako.
21[Oloze vandemone vangana kaveshi kufuma nachuma chekako, kuvanga nakulomba nakuzeneka kulya.]
Yesu mwavuluka cheka kufwa chenyi
(Mako 9:30-32; Luka 9:43-45)
22Jino omu vakungulukile kuNgalileya, Yesu alwezele tumbaji twenyi ngwenyi, Linwomu vahane Mwanamutu kumavoko avatu —
23vakiko #16:21; 17:9navamujiha, kaha halikumbi lyamuchitatu navamusangula kuli Kalunga. Kaha tumbaji twenyi valinyengele chikuma.
Kuhana mutelo waTembele
24Omu vahetele kuKapelenau, vaka-kutambula mutelo wakuTembele chimbwa chashekele#17:24 Kamwe hamwaka lunga hilunga atelele kuhana jimbongo jakuheta muchimbwa chashekele, jakukafwa vaka-kutunga Tembele. Ndando kana yapwile fweto yamuka-kuzata hakuzata makumbi avali. Tala Kulo 30:13; 38:26. vejile kuli Petulu nakumuhulisa ngwavo, Kumana Muka-kuminangula keshi kuhana mutelo kanako?
25Avakumbulwile ngwenyi, Eji kuhananga. Kaha omu engilile muze muzuvo, Yesu avangilile kumuhulisa ngwenyi, Unashinganyeka muka ove Shimona? Vamyangana vahamavu#17:25 Nge ngwavo, Vamyangana vaka-kuyula mafuchi. veji kutambulanga mwombo chipwe mitelo kuli veya? Kuli vana vavo tahi, nyi kuli veka?
26Omu akumbulwile ngwenyi, Kuli veka. Yesu himwamwamba ngwenyi, Nge ngocho kumana vana valihehwa.
27 #
1 Koli 8:13
Oloze kuchina natuvafutwisa, yako kuchijiva ukambilile ulovo, owo ishi mukalivanga kulova, omu naukamupandumuna mukanwa naukawanamo shekele. Kayimbate ukavahaneyo kupwa mutelo hali Ami nayove.
Zvasarudzwa nguva ino
Mateu 17: LUE
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Bible Society of Zambia