Wana appJesu: Mureza Wedu WekukundaChikamu
Kukunda Pamusoro PeNyadzi
Muvengi anoda zvekutaura. Shoko raMwari rinotaura kuti Satani anofamba-famba seshumba inoomba ichitsvaga waingadye. Muna Zvakazarurwa, anodanwa semupomeri wedu; tinoudzwa kuti anotipomera pamberi paMwari masikati nemadekwana. Satani ane huchenjeri, uye anoziva kuti imwe yenzira dzeku uraya, kuba uye nekuparadza zvakaiswa naMwari matiri kugara achitirangaridza zvivi zvedu, kuti tigare tichizviudza kuti hatina kukodzera. Anoda kuti tigare tiri vanhu vane nyadzi.
Unoona kuti chii, mhosva ine chekuita nezvatakaita, asi nyadzi ine chekuita nemaonero atinozviita. Vakawanda vedu vanogamuchira kuti Mwari anotiregerera zvatakamboita asi tinoramba tichibvumira Satani kuti atipomere mhosva nekutinyaradza nenhema dzekuti tirivanani kubva mukuzvarwa. Nhema idzi dzinotitadzisa kugamuchira nekufamba muchinangwa chaMwari pamusoro pehupenyu hwedu. Tinodanwa kuti tishandise zvipo nematarenda atakapihwa naMwari kuchinja nyika nenzvimbo yatinogara mairi, asi tikaramba tichinyara nekuzviona setisangakodzeri, hatimbofi takakwanisa kuzadzisa zvatakasikirwa kuita naMwari.
Jesu paakachinjanisa zvivi zvedu nekururama kwake pamuchinjikwa, akatiita zvisikwa zvitsva. Zvataimbove kumashure hazvichinei nezvatave nhasi. Tiri vana vaMwari, takaregererwa zvese, takafugidzwa nenyasha, takasimbiswa kuita mabasa makuru kuti humambo hwaMwari huonekwe. Izvozvi chete zvinofanira kutiratidza kuti tirivanani munaMwari. Izwi renyadzi rino rwisana nechokwadi ichocho inhema dzinobva kuna Satani.
Muvhiki rino rePasika, rangarira zvinotaura naMwari pamusoro pako, mwana wake, uye usunge pfungwa dzese dzisingapindirani neShoko raMwari. Jesu akauya kuti tive nehupenyu huzere. Rasa kunyara kwese, ushingirire kuzadza chinangwa chako chinobva kunaMwari!r
Chengetedza mufananidzo wanhasi here.
Zvinechekuita neHurongwa uhu
Patinopembera Easter, tinopembera kukunda kukuru munhoroondo yese yevanhu panyika. Kuburikidza nokufa kwaJesu nokumuka kwake kuvakafa, Akakunda zvachose simba rechivi nerufu, nezvose zvinounzwa nezvinhu izvi, uye akasarudza kugoverana kukunda uku nesu. Vhiki iri re Easter, ngatitarise dzimwe nhare dzaAkakunda, tiongorore kurwa kwaakatirwira, nokumurumbidza seMureza wedu Wekukunda.
More
