Investimi yt më i mirë!Shembull

“Kthim investimi i sigurt!”

Në botën e sotme, kjo deklaratë ngrys disa vetulla, e po ashtu ngre disa dyshime. Por, ka një ligj universal që zbatohet pothuajse në çdo aspekt të jetës: ligji i mbjelljes dhe korrjes, ose thënë më thjesht, “ç’të mbjellësh do të korrësh.”

Ti s’mund të korrësh, nëse nuk ke mbjellë më parë farat. S’mund të fitosh të ardhura, nëse nuk investon më parë. S’mund të marrësh përfitimet e një produkti ose shërbimi, nëse nuk e ble më parë. S’mund të ruash shëndetin fizik, pa një dietë të ekuilibruar dhe pa u stërvitur rregullisht. Me të gjithë këta shembuj, ajo që merret është në përpjestim me cilësinë, apo shumën e dhënë në krye të herës.

I njëjti ligj vlen edhe për marrëdhënien tonë me Perëndinë. Nëse nuk mbjellim farën që do të japë atë korrje, s’mund të korrim një ecje të përmbushur dhe të bekuar me Perëndinë. Lajmi i mirë është se Perëndia na e ka mundësuar farën e mirë - ajo është Fjala e Tij, Bibla. Mbjellja bujarisht e Fjalës së Perëndisë në jetën tonë, na siguron një kthim me bollëk në atë investim.