Stinët e zemrësShembull

Kushedi?

Kushedi Zotit mund t'i vijë keq për mua? 2 e Samuelit 12:22

Dita e hirit nuk të ka injoruar as ty e as ndonjë shpirt që ka më të voglën dëshirë për të gjetur mëshirë. Është ende aty, tani, me ty. Zëri i Ungjillit për ty është: "Sot, duke thënë, mbas kaq kohe;… sot, në e dëgjofshi zërin e tij, mos i ngurtësoni zemrat tuaja" (Heb. 4:7). Oh, mos u largoni nga Shpëtimtari i dashur, i Cili me shumë dashuri ju fton të vini tek Ai, madje edhe ty, sikur të ishte duke të thirrur me emër, duke thënë: “Ejani tek unë, o të gjithë të munduar dhe të rënduar, dhe unë do t'ju çlodh.”(Mat. 11:28) Oh, eja shpirt, dhe tregoji Zotit Jezus të gjitha pikëllimet e tua. Për dhembshuri, nuk ka asnjë si Ai. Paraqit para Tij të gjitha barrët e tua. Dora e Tij e dhembshur do t'i heqë nga shpatullat e tua. Oh, eja dhe shiko sa i mirë, i hirshëm, sa i fuqishëm për të shpëtuar është Zoti Shpëtimtari! Dhe sa besnik është Ai ndaj premtimit të Tij! Unë do t'ju jap çlodhje. Në asnjë mënyrë nuk t’ju dëboj. Oh, mos thuaj në mosbesim: "Nuk ka mëshirë për mua", por eja te Krishti dhe shiko. Shiko se çfarë do të të thotë Shpëtimtari, nëse mëshira e Tij nuk do të të japë jetë. Po, eja, edhe pse ke bërë shumë të liga dhe je e ngarkuar me mëkate, pikëllime dhe frikëra të shumta.

Sepse Shpëtimtari do të të falë me bollëk, do të të ngushëllojë dhe do të të çlirojë me bollëk dhe në të gjitha aspektet do të bëjë për ty më tepër se sa mund të kërkosh apo mendosh! Oh, kthehu tek Zoti, duke menduar “kushedi, Atij mund t'i vijë keq për mua?" Mijëra shpirtra që erdhën në fronin e hirit kanë gjetur mëshirë, vetëm me shpresën se do të mund ta gjenin atë, pavarësisht se u mbushën me frikëra të panumërta që i zmbrapsnin ta kërkonin. Më lejo të të them se, kurrë nuk ka humbur asnjë shpirt që është rrëzuar në të gjithë mjerimin e vet, për të gjetur mëshirë te këmbët e Shpëtimtarit – dhe nuk do të humbasë kurrë më, madje deri në fund të botës. Mëshira mbretëron, mëshira triumfon, mëshira gëzohet kundër gjykimit. "Sepse unë do të jem i mëshirshëm për padrejtësitë e tyre dhe nuk do të kujtoj më mëkatet e tyre dhe paudhësitë e tyre." Kjo është besëlidhja e re e hirit të Perëndisë në Krishtin. Dhe Ai i thërret mëkatarët e mjerë që të vijnë tek Ai dhe premton të jetë me ta.

Anne Dutton