Stinët e zemrësShembull

Realiteti që tejkalon famën

Ti e kalon famën për të cilën kisha dëgjuar të flitet. - 2 i Kronikave 9:6

Ty! Zot Jezus! Cilin kam në qiell veç teje? Dhe mbi tokë nuk dëshiroj tjetër njeri veç teje. Ti që më ke dashur dhe më ke larë nga mëkatet e mia në gjakun tënd. Ti që ke dhënë veten për mua. Ti që më shpengove, më thirre, më more pranë vetes, më prite. Ti që më ke dhënë Frymën Tënd të Shenjtë që të dëshmoj për Ty. Ti, jeta e të Cilit është imja dhe me të Cilin jeta ime është e gërshetuar, në mënyrë që asgjë të mos e ndajë ose ta zgjidhë atë. “Ti e kalon famën për të cilën kisha dëgjuar të flitet!”

Megjithatë, dëgjova për një famë të madhe për Ty. Ata më thanë që Ti je zemërgjerë. Ata më thanë aq sa mund të shprehnin me fjalë. Dhe ata thanë: “Eja dhe shiko”. U përpoqa të vija, por nuk shihja dot. Sytë e mi qenë penguar për të të njohur Ty, megjithëse, Ti nuk ishe larg. Atëherë dëgjova se çfarë ishe për të tjerët dhe e dija që ishe i njëjti Zot. Ti e kalon famën për të cilën kisha dëgjuar të flitet.

Unë shoh në Ty më shumë sesa kam dëgjuar, më shumë sesa prisja, më shumë se të gjithë. Epërsia e njohjes Tënde, Krishti Jezus, Zoti im, jo ​​vetëm që përfshin të gjitha thesaret e tjera të diturisë dhe njohurisë, por shkëlqen mbi çdo gjë. Ti i tejkalon të gjitha ato që kam dëgjuar në çdo aspekt. Askush nuk mund të më tregonte se çfarë do të ishte për mua dashuria Jote falëse, durimi Yt, dhembshuria Jote. Askush nuk mund të më tregonte se si forca, hiri Yt dhe ndihma Jote e mrekullueshme do të përshtateshin për nevojat e mia të vazhdueshme të vogla e të mëdha. Askush nuk mund të më tregonte se çfarë hiri ishte derdhur në buzët e Tua për mua. Ti je për secilin nga bijtë e tu një Krisht i plotë dhe i shkëlqyeshëm. Dhe nëse, Ti i tejkalon të gjitha ato që kam dëgjuar, tani dhe këtu në mes të hijeve dhe velit, sa më e madhe do të jetë lavdia Jote e zbuluar!

Frances Ridley Havergal