Popularni biblijski stihovi iz পত্থম 22

Podijeli

তে সে জাগায়ান নাঙান্‌ দিলো যিহোবা-যিরি (যিয়েনর ভেদ্‌তান্ “লগেপ্রভু যুগেই দে”)। সেনত্তে ইক্কিনিয়ো মান্‌জে কন্‌, “লগেপ্রভুর্‌ মুড়োবোত্‌ লগেপ্রভুই যুগেই দে।”

গোজেনে কলঅ, তঅ পুয়োবোরে, এক্কোগুরি পুয়ো ইস্‌হাকরে, যিবেরে তুই এদক্‌ কোচ্‌পাজ্‌ তারে লোইনে তুই মোরিয়া চাগালাত্‌ যাহ্। সিয়েনত্‌ যে মুড়োবো কধা মুই তরে কোম্‌ সিবে উগুরে তুই তারে পুজ্যে-উৎসর্ব ইজেবে উৎসর্ব গর্‌।

দূত্তো কলঅ, “পুয়োবোরে মারে ফেলেবাত্তে আত্‌ ন-তুলিচ্‌ বা তা উগুরে আর কিচ্ছু ন-গুরিচ্‌। তুই যে ‌গোজেন ভক্ত সিয়েন্‌ ইক্কিনে বুঝো গেলঅ, কিত্তে মঅ নাঙে তুই তঅ পুয়োবোরে, বানা এক্কো পুয়োরে উৎসর্ব গর্‌তে পিজেন্দি ন-আলাচ্‌।”

অব্রাহামে কলঅ, “বাবা, পুজ্যে-উৎসর্বত্তে গোজেনে নিজে ভেড়া ছঅ যুক্কুলেই দিবো।” এ কধানি কদে কদে তারা উজেই যাদন্‌।

মুই ঘেচ্চেকগুরি তরে বোউত্‌ বর্ দিম্‌, আর আগাজ তারা ধোক্ক্যেন আর সাগর পার ধূল্যে চর ধোক্ক্যেন তমা বংশ মানুচ্চুনোরে গুণি ন-পুরেয়্যে গুরিম। তমা বংশ মানুচ্চুনে তারা শত্রুগুনোর শঅরানি জিদি নেযেবাক্, তঅ বংশগুনো ভিদিরেন্দি পিত্‌থিমীর বেক্‌ জাদতুনে বর্ পেবাক্। তুই মঅ উগুমান্‌ পালেয়োচ্‌ বিলিনে সিয়েন্‌ অবঅ।”

এ ঘটনাগান পরেদি গোজেনে অব্রাহামরে এক্কো পোরোক্ষেত্‌ ফেলেল। গোজেনে তারে ডাগিলো, “অব্রাহাম।” অব্রাহামে জোব্ দিলো, “এইয়্যে দঅ মুই।”

এ অক্তত্‌ লগেপ্রভুর দূত্তো স্বর্গত্তুন্‌ তারে ডাগিলো, “অব্রাহাম, অব্রাহাম!” অব্রাহামে জোব্ দিলো, “এইয়্যে দঅ মুই।”

লগেপ্রভু দুত্তো স্বর্গত্তুন্‌ অব্রাহামরে আরঅ ডাগিনে কলঅ, “তুই তঅ পুয়োবোরে, এক্কোগুরি পুয়োরে উৎসর্ব গুরিবাত্তে পিচ্ছো ন-ফিরোচ্‌ সেনত্তে মুই লগেপ্রভু নিজোর্‌ নাঙে শমত্‌ খেইনে কঙর্‌

যে জাগায়ান কধা গোজেন অব্রাহামরে কোইয়্যে তারা সিয়েনত্‌ যেইনে লুমিলাক্‌। সিয়েনত্‌ লুমিনে অব্রাহামে এক্কো ডালিপূজো বানেইনে সিবে উগুরে দার্‌বো সাজেল। পরেদি ইস্‌হাকরে বানিনে তারে সে ডালিপূজোবো দার্‌বোগানি উগুরে রাগেল।