Mistari Maarufu ya Biblia kutoka Mithali 11

Shirikisha

Mtu mkarimu atastawi; yeye awaburudishaye wengine ataburudishwa mwenyewe.

Kuna mtu atoaye kwa ukarimu, hata hivyo hupata zaidi, mwingine huzuia, lakini huwa maskini.

Kiburi kinapokuja, ndipo huja aibu, bali unyenyekevu huja na hekima.

Pasipo ushauri wa hekima taifa huanguka, bali washauri wengi hufanya ushindi uwe wa hakika.

Tunda la mwenye haki ni mti wa uzima, naye mwenye hekima huvuta roho za watu.

Masengenyo husaliti tumaini, bali mtu mwaminifu hutunza siri.

Mwenye huruma hujinufaisha mwenyewe, bali mkatili hujiletea taabu mwenyewe.

Yeyote ategemeaye utajiri wake ataanguka, bali mwenye haki atastawi kama jani bichi.

Utajiri haufaidi kitu katika siku ya ghadhabu, bali haki huokoa kutoka mautini.

Uadilifu wa wenye haki huwaongoza, bali wasio waaminifu huharibiwa na hila yao.

Kama pete ya dhahabu katika pua ya nguruwe ndivyo alivyo mwanamke mzuri ambaye hana busara.

BWANA huchukia sana mizani za udanganyifu, bali vipimo sahihi ni furaha yake.