Mistari Maarufu ya Biblia kutoka Marko 13

Shirikisha

Nanyi mtachukiwa na wote kwa sababu yangu. Lakini yeyote atakayevumilia hadi mwisho ataokoka.

Mjihadhari; Kesheni! Kwani hamjui lini muda huo utafika.

Wakati wowote watakapowakamata na kuwashitaki, msiwe na wasiwasi kujiandaa kwa yale mtakayoyasema, lakini myaseme yale mtakayopewa saa ile ile, kwa kuwa si ninyi mnaozungumza; bali, ni Roho Mtakatifu anayezungumza.

Mbingu na nchi zitapita, lakini maneno yangu hayatapita kamwe.

Hakuna anayejua wakiwemo malaika wa mbinguni ama Mwana bali baba peke yake lini siku au saa ile itakapowadia.

Mtasikia juu ya vita vinavyopiganiwa na mtasikia habari juu ya vita vingine vinavyoanza. Hata hivyo msishtushwe. Mambo hayo lazima yatokee, kabla ule mwisho wenyewe kufika.

Vivyo hivyo ni lazima mjihadhari, kwa sababu hamjui ni muda gani mkuu wa nyumba atakuja; hamjui kama atakuja jioni, usiku wa manane, wakati jogoo anawika, au alfajiri. Ikiwa atakuja ghafula, basi asiwakute mmelala. Ninachowaambia, namwambia kila mmoja: ‘Muwe tayari.’”

Kwani taifa moja litapigana dhidi ya taifa lingine na ufalme mmoja utapigana dhidi ya ufalme mwingine. Yatatokea matetemeko mengi mahali pengi na kutakuwepo na njaa kali sehemu nyingi. Mambo haya yatakuwa ni mwanzo tu wa uchungu wa mama mzazi kabla ya mtoto kuzaliwa.

Kabla ya mwisho kufika, ni lazima kwanza habari Njema itangazwe kwa mataifa yote.

Wengi watakuja huku wakilitumia Jina langu na kusema, ‘Mimi ndiye Masihi,’ nao watawadanganya wengi.

Hivyo mjihadhari! Wapo watu watakaowakamata na kuwapeleka mkahukumiwe kwa kuwa ninyi ni wanafunzi wangu. Watawapiga katika masinagogi yao. Mtalazimishwa kusimama mbele ya wafalme na watawala. Nanyi mtawaeleza habari zangu.

Kwani Makristo wa uongo na manabii wa uongo watatokea, nao watafanya ishara na miujiza kuwadanganya watu ikiwezekana hata wale ambao Mungu amewachagua.

Lakini katika siku hizo, baada ya kipindi cha dhiki, ‘Jua litatiwa giza, mwezi hautatoa mwanga, nyota zitaanguka kutoka angani, na mbingu yote itatikisika.’