Mistari Maarufu ya Biblia kutoka Matayo 13

Shirikisha

Nawe ayabibirwe mw’itaka izima, ogwo niwe akuhulira ekigambo akasombokerwa, akaraba, ahandi igana, ahandi makumi mukaga, ahandi makumi asatu.

Kai ayabibirwe mu mahwa, ogwo n’akuhulira ebigambo, nawe ebitekateko byo mu nsi no kulembalembwa ebintu bikuniga ebigambo, mbe nibibura kuraba.

Buli muntu akuhulira ebigambo by’obukama, akabura kubyanankura, omubi akwiza nakura ebyabibirwe mu mutima gwe; ogwo niwe ayabibirwe ha muhanda.

Nawe ayabibirwe ha lukili, ogwo n’akuhulira ebigambo, akabyanankuraho aho n’aho no kusemererwa; nawe atali na mizi muli wenene, ni muhindahinduki, enaku zo kunaranara zikamwizira ha bw’ebigambo, nasitara.

Engoma yo mw’igulu ekulenganisibwa n’ensabo eserekire mu nsambu, ey’omuntu yakugire akagisereka, kumara nagenda n’amasemererwa mengi, naguza ebye byona ebyo ali nabyo, nagura ensambu egyo.

Kai endi negwa mw’itaka izima, netunga, endi igana, endi makumi mukaga, endi makumi asatu.

Muleke zikulire hamo kuhika h’igesa; mbe mu naku z’igesa nkeze kugambira abagesi nti: Mutandike kusororamo embaya, mugibohe, mugyoche; nawe engano mugihunike mu bitara byange.