Mistari Maarufu ya Biblia kutoka Matteyo 13

Shirikisha

Hun okwahinie ifau on oyyu arai ihwa atulo al itayiryo nekyana bwo fe itaniŋu. Oŋiju inyi aŋer esiha abotye, bwo obo atomwana ille, bwo obo atomwana hunihoi.

Hun ofodoŋonie ihiji hikwa arai ihwa atulo al itayiru nekyana Hollum, ati ihawwa inyi ta nerre hutta haŋ honyi, kuyya ogori ebariti nekyana Hollum, tania ette lak ŋijuna.

Al itayiryo obo atulo nekyana ono Hollum ati obeŋ itaniŋu, ottu adi olorroho ette kwararu ekyana addi to taji honyi. Ara ana ihwa enyomo hun ofodoŋoroi iger ikoi.

Hun ofodoŋonie imorwoi arai ihwa atulo al itayiru’to nekyana ette ifwotuna ta amuno. Ati obeŋi nadde honyi. Iruk inyi do ati al ofwonni ettigemita kuyya netahawwata ta neram Hollum ette inyi ipal addi.

Ara olobye ono Hollum ihwa ebariti hun idimani imana. Onyurak atulo ebariti hwa ati inyyak inyi dimana isi. Alo inyi ta amuno itinyyaŋaniere erre honyi daŋ inyyaŋari amana ania.

Hun okwahinie’to jyo aboro hun oyiji’to isuruni bwo ihalu ette fwanna ŋerihina ema esiha abotye, bwo obo atomwana ille, bwo fe obo atomwana hunihoi.

Obusana daŋ obobolororoi arabotye many iholoŋ dyoŋo, bwo ajo adi ni jyo adyoŋok jo, Ahosyere, orutuna alabali, ittittirata isi ittata swahina ihima, ati ottubana ema imugu hoŋ.