Mistari Maarufu ya Biblia kutoka John 1

Shirikisha

သို့ရာတွင် လူအချို့သည် ထိုအရှင်ကို ကြိုဆိုလက်ခံကာ ယုံကြည်ခဲ့ကြသဖြင့် သူသည် ထိုသူတို့အား ဘုရားရှင်၏သားသမီးများဖြစ်ရသောအခွင့်ကို ပေးတော်မူ၏။

အစအဦး၌ နှုတ်ကပတ်တော်ရှိ၏။ နှုတ်ကပတ်တော်သည် ဘုရားရှင်နှင့်အတူရှိ၍ နှုတ်ကပတ်တော်သည်လည်း ဘုရားရှင်ဖြစ်တော်မူ၏။

ထိုအလင်းသည် အမှောင်ထုထဲ၌ လင်း၍ အမှောင်ထုသည် ထိုအလင်းကို မလွှမ်းမိုးနိုင်။

နှုတ်ကပတ်တော်သည် ကရုဏာတော်နှင့်လည်းကောင်း၊ သစ္စာတရားတော်နှင့်လည်းကောင်း ပြည့်စုံလျှက် လူသားအဖြစ်ကိုခံယူကာ ကျွန်ုပ်တို့အကြားတွင် စံမြန်းတော်မူ၏။ ထို့ကြောင့် အကျွန်ုပ်တို့သည်လည်း ဘုရားရှင်ဖြစ်တော်မူသည့် အဖဘုရား၏တစ်ပါးတည်းသောသားတော်အဖြစ် လက်ခံရရှိသည့် သူ၏ဘုန်းတော်ကို ဖူးမြင်ရကြ၏။

ဘုရားရှင်သည် နှုတ်ကပတ်တော်အားဖြင့် အရာခပ်သိမ်းကို ဖန်ဆင်းတော်မူသဖြင့် နှုတ်ကပတ်တော်မပါဘဲ ဖန်ဆင်းထားသောအရာဟူ၍ တစ်ခုသော်မျှမရှိ။ နှုတ်ကပတ်တော်သည် မူလအသက်ဖြစ်၍ ထိုအသက်သည် လူသားအပေါင်းတို့၏အလင်း ဖြစ်တော်မူ၏။

နောက်တစ်နေ့၌ ရေနှစ်မင်္ဂလာဆရာယောဟန်သည် မိမိထံသို့ ကိုယ်တော်ယေရှု ကြွလာတော်မူသည်ကို မြင်လျှင် သူသည် လူတို့အား “ဤလောက၏အပြစ်ဒုစရိုက်ကို ဖယ်ရှားပေးသည့် ဘုရားရှင်၏သိုးသငယ်တော်ကို ကြည့်ကြလော့။

ထိုအရှင်သည် ဤလောကတွင် ရှိနှင့်တော်မူ၍ ဘုရားရှင်သည် ထိုသူအားဖြင့် ဤလောကကို ဖန်ဆင်းတော်မူသော်လည်း ဤလောကသည် သူ့အားသိမြင်ခြင်းမရှိ။ သူသည် မိမိ၏အရပ်ဖြစ်သော ဤလောကသို့ ကြွလာသော်လည်း သူ၏လူမျိုးအပေါင်းတို့သည် သူ့အား လက်ခံကြိုဆိုခြင်းမရှိကြ။

ဤစစ်မှန်သောအလင်းသည် ဤလောကသို့ကြွလာ၍ လူသားအားလုံးအပေါ်တွင် ထွန်းလင်းသည့် အလင်းကိုပေးသောအရှင်ပင်ဖြစ်၏။

ဘုရားရှင်သည် ပညတ်တရားတော်ကို မောရှေအားဖြင့် ပေးထားသော်လည်း ကရုဏာတော်နှင့် သစ္စာတရားတော်တို့မူကား ယေရှုခရစ်တော်အားဖြင့် ဖြစ်လာ၏။