Mistari Maarufu ya Biblia kutoka Matthew 5

Shirikisha

ဘယ်သူမဆို ဆီမီးထွန်းထားတဲ့မီးအိမ်ကိုခြင်းတောင်းနဲ့အုပ်ထားမှာမဟုတ်ဘူး။ထိုမီးအိမ်ရဲ့ အလင်းရောင်ကိုတစ်အိမ်လုံးထွန်းလင်းစေဖို့ မီးခုံပေါ်မှာသာတင်ထားတတ်ကြတယ်။ မင်းတို့ရဲ့ကုသိုလ်ကောင်းမှုတွေကိုမြင်ပြီး နိဗ္ဗာန်ရွှေမြို့တော်က အဖဘုရားရှင်ကို ချီးမွမ်း ကြစေဖို့ မင်းတို့ရဲ့ဘဝအသက်တာကို လူအများရှေ့မှာအလင်းရောင်ကဲ့သို့ ထွန်းလင်းစေပါ။

မင်းတို့ဟာ ဒီကမ္ဘာလူသားတွေအတွက် အလင်းရောင် နဲ့တူတယ်။ညှဉ့်အချိန်မှာတောင်ကုန်းပေါ်မှာတည်ထားတဲ့မြို့က အလင်းရောင်ကိုဘယ်သူမှဖုံးအုပ်ထားလို့မရနိုင်ဘူး။

စိတ််နှလုံးသားဖြူစင်သူတို့ကို ကောင်းချီးမင်္ဂလာပေးပါလိမ့်မယ်။သူတို့ဟာ ဘုရားရှင်ကို ဖူးမြင်ရပါလိမ့်မယ်။

သမ္မာတရားတော်ကို ဆာလောင်ငတ်မွတ်သူအပေါင်းတို့ကို ကောင်းချီးမင်္ဂလာပေးပါလိမ့်မယ်။ထိုသူတို့ကို သမ္မာတရားတော်နဲ့ပြည့်ဝစေပါလိမ့်မယ်။

ဒါပေမယ့် ငါ ပြောလိုတာကတော့ မင်းတို့ရဲ့ရန်သူတွေကိုပါ မေတ္တာထားပါ။မင်းတို့ကိုနှိပ်စက်ညှဉ်းပမ်းသူတို့ကိုလည်း မေတ္တာပို့သကြပါ။

"နိဗ္ဗာန်ရွှေမြို့တော် အရှင်သခင်ဖြစ်တော်မူတဲ့ ဘုရားရှင်ကိုလိုလားတောင့်တသူတွေဟာ ကောင်းချီးမင်္ဂလာ ခံစားရလိမ့်မယ်။

ငြိမ်းချမ်းရေးအတွက်ဆောင်ရွက်သူတွေကို ဘုရားရှင် ကောင်းချီးမင်္ဂလာပေးပါလိမ့်မယ်။ထိုသူတို့ကို ဘုရားရှင်ရဲ့ သားသမီးလို့ အခေါ်ခံရပါလိမ့်မယ်။

ပူဆွေးသောကရောက်နေသူတွေလည်း ဘုရားရှင်ရဲ့ကောင်းချီးမင်္ဂလာခံစားရလိမ့်မယ်။သူတို့ကို ဘုရားရှင် နှစ်သိမ့်ပေးတော်မူပါလိမ့်မယ်။

သမ္မာတရားတော်အတွက်ကြောင့် ညှဉ်းပမ်းနှိပ်စက်ခံရသူ တို့ကို ဘုရားရှင် ကောင်းချီးမင်္ဂလာပေးပါလိမ့်မယ်။နိဗ္ဗာန်ရွှေမြို့တော် ဟာလည်း သူတို့ရဲ့ နိုင်ငံတော်ဖြစ်လာပါလိမ့်မယ်။

သနားဂရုဏာစိတ်ရှိသူများကို ကောင်းချီးမင်္ဂလာပေးပါလိမ့်မယ်။ ဘုရားရှင်သည်ထိုသူတို့ကို သနားတော်မူပါလိမ့်မယ်။

ငါ့ကြောင့် ကဲ့ရဲ့ ညှဉ်းဆဲခြင်း၊ ပြစ်တင် စွပ်စွဲခြင်းခံရ သူတွေကို ဘုရားရှင် ကောင်းချီးမင်္ဂလာ ပေးပါလိမ့်မယ်။ အထူးပျော်ရွှင် ဝမ်းမြောက်ကြပါ။ နိဗ္ဗာန်ရွှေမြို့တော်မှာ ဘုရားရှင် ဟာ မင်းတို့ကို ဆုထူးဆုမြတ်တွေ ပေးပါလိမ့်မယ်။ လူတွေဟာ ရှေး ပရောဖက်တွေကိုလည်း ဒီလိုဘဲ ညှင်းဆဲခဲ့ကြတယ်။

စိတ်နှလုံးသိမ်မွေ့ပြီး မိမိကိုယ်ကိုနှိမ့်ချသူတွေကို ဘုရားရှင် ကောင်းချီးမင်္ဂလာပေးပါလိမ့်မယ်။ဘုရားရှင်ဟာ သူတို့ကို လောကတစ်ခုလုံး အမွေပေး ပါလိမ့်မယ်။

မင်းတို့ဟာ ဒီလောကအတွက် ဆားနဲ့တူတယ်။ ဒါပေမယ့် ဆားအရသာ ပျက်သွားရင် အဲဒီဆားကိုထပ်သုံးလို့ရတဲ့ နည်းလမ်းမရှိတော့ဘူး။ လူတွေရဲ့ခြေနင်းဖတ်ဖြစ်အောင်လွှင့်ပစ်ရုံကလွှဲပြီးဘာမှသုံးလို့မရတော့ဘူး။

.ထိုကြောင့် နိဗ္ဗာန်ရွှေမြို့တော်တွင် ရှိတော်မူသော အဖဘုရားရှင် သည်ကောင်းခြင်းများနဲ့ပြည့်စုံတော်မူသကဲ့သို့မင်းတို့လည်ကောင်းခြင်းများနဲ့ပြည့်စုံကြပါ’

မင်းတို့ကတိသစ္စာပြုတဲ့အခါတိုင်း ‘ဟုတ်ရင်ဟုတ်တယ်။မဟုတ်ရင် မဟုတ်ဘူး"လို့သာ သစ္စာပြုကြပါ။ ဒီထက်ပိုတဲ့စကားဟာ မာရ်နတ်ထံကလာတဲ့ စကားတွေသာဖြစ်တယ်။

မော‌ရှေကျမ်းမှာ ‘မျက်လုံးတစ်လုံးအတွက် မျက်လုံးတစ်လုံး၊ သွားတစ်ချောင်းအတွက် သွားတစ်ချောင်း’ လို့ပညတ်ထားတာကို မင်းတို့ကြားဖူးကြပါလိမ့်မယ်။ ဒါပေမယ့် မင်းအပေါ် တစ်စုံတစ်ရာ အပြစ်လုပ်မိသူကို လက်စားမချေမပါနဲ့၊ တစ်စုံတစ်ယောက်က မင်းရဲ့ညာဘက်ပါးကိုရိုက်ရင် မင်းရဲ့ဘယ်ဖက်ပါးကိုပါ ရိုက်ခွင့်ပေးလိုက်ပါ၊ လို့ငါပြောပါရစေ။

မင်းရဲ့ ညာဖက် မျက်လုံးနဲ့ ပြစ်မှားမိရင် အဲဒီမျက်လုံးကို ဖောက်ထုတ်ပြီး လွှင့်ပစ်လိုက်ပါ။ ကိုယ်အင်္ဂါ ပြည့်ပြည့်စုံစုံ နဲ့ငရဲကို လားရတာထက် ကိုယ်အင်္ဂါချို့တဲ့သွားတာကမှ ပိုပြီးကောင်းသေးတယ်။ မင်းရဲ့ ညာလက်နဲ့ အပြစ်ကျူးလွန်မိရင် အဲဒီလက်ကို ဖြတ်ထုတ်ပြီးလွင့်ပစ်လိုက်ပါ။ မင်းရဲ့ခန္ဓာကိုယ် တစ်ကိုယ်လုံးငရဲလားရတာထက် ကိုယ်အင်္ဂါချို့ယွင်းသွားတာကမှ ပိုပြီးကောင်းသေးတယ်။