Mistari Maarufu ya Biblia kutoka Matthew 6

Shirikisha

ဘုရားရှင်ရဲ့နိဗ္ဗာန် ရွှေမြို့တော်နဲ့သမ္မာတရားတော်တွေကိုဦးစွာ ရှာဖွေ လို့ရှိရင် မင်းတို့ရဲ့ လိုအင်ဆန္ဒအဝဝနဲ့ပြည့်စုံပါလိမ့်မယ်။

.မနက်ဖြန်အတွက်မပူပင်ကြပါနဲ့၊မနက်ဖြန်ရောက်ရင်အလိုလိုပြေလည်သွားပါလိမ့်မယ်။ ဒီနေ့ ကြုံတွေ့ရတဲ့ စိုးရိမ်သောကတွေဟာ ဒီနေ့အတွက်တော်လောက်ပြီ"ဟု ကိုယ်တော်က မိန့်တော်မူခဲ့လေသည်။

ဒါကြောင့်မင်းတို့ဘဝအတွက် တွေးတောပူပင်မနေပါနဲ့။ စားဝတ်နေရေးအတွက်လည်း မပူပင်ကြပါနဲ့။ မင်းတို့ရဲ့အသက်ဟာ စားဝတ်နေရေးထက် ပိုပြီးအရေးကြီးတယ် မဟုတ်လား။

.ဆုတောင်းတဲ့အခါ မှာအခန်းတံခါးပိတ်ပြီး အဖဘုရားဆီမှာ တစ်ဦးတည်း သီးသန့်ဆုတောင်းပါ။ဒီလို သီးသန့်ဆုတောင်းကို အဖဘုရားဆီက ဆုတော်လာဘ်တော်များပေးသနားတော်မူပါလိမ့်မယ်။

ဒါကြောင့် မင်းတို့ဆုတောင်းတဲ့အခါမှာ နိဗ္ဗာန်ရွှေမြို့တော်မှာရှိတော်မူတဲ့ ကျွန်ုပ်တို့၏ အဖဘုရား ၊အဖဘုရား၏ နာမတော်အားရိုသေလေးမြတ်စွာချီးမွမ်းဂုဏ်ပြုပါ၏ဘုရား။ .လူတိုင်း၊လူတိုင်းနှင့်အရာခပ်သိမ်းတို့အားအုပ်စိုးတော်မူပါဘုရား၊နိဗ္ဗာန်ရွှေမြို့တော်မှာကဲ့သို့ကမ္ဘာမြေကြီးတွင်လည်းအဖဘုရားအလိုတော်အတိုင်းသာပြုတော်မူပါအရှင်ဘုရား။

ယနေ့တစ်နေ့တာသော အစာအဟာရများကို ပေးသနားတော်မူပါဘုရား။

.တစ်ပါးသူများမှကျွန်ုပ်တို့အပေါ် ပြစ်မှားသောသူတို့၏ အပြစ်များကို ခွင့်လွှတ်သကဲ့သို့၊ ကျွန်ုပ်တို့ပြုလုပ်မိသော အပြစ်များကိုလည်း ခွင့်လွှတ်တော်မူပါဘုရား။

.ကျွန်ုပ်တို့အားအပြစ်ကျူးလွန်ခြင်းငှာအခွင့်ပေးတော်မမူ ပါနှင့်၊မာရ်နတ်အန္တရာယ်မှ ကာကွယ်ပေးတော်မူပါဘုရား” လို့ဆုတောင်းကြပါ။

မင်းတို့ဟာ တစ်ခြားသူတွေရဲ့အပြစ်တွေကို ခွင့်လွှတ်ပေးရင် နိဗ္ဗာန်ရွှေမြို့တော်မှာ ရှိတော်မူတဲ့ အဖဘုရား လည်း မင်းတို့ကို ခွင့်လွှတ်တော်မူပါလိမ့်မယ်။

.ကောင်းကင်မှာပျံနေတဲ့ ငှက်ကလေးတွေကို ကြည့်လိုက်ပါ။ သူတို့မှာ စိုက်ပျိုးခြင်းလည်းမရှိ၊ရိတ်သိမ်းခြင်းလည်းမရှိ၊သိုလှောင်သိမ်းဆည်းထားမည့်ကျီများလည်းမရှိကြပါ။ ဒါပေမယ့် နိဗ္ဗာန်ရွှေမြို့တော်မှာရှိ တဲ့အဖဘုရားဟာ သူတို့ကို စောင့်ရှောက်တော်မူရင် မင်းတို့ဟာ တိရိစ္ဆာန်ငှက်တွေထက် ပိုပြီးတန်ဖိုးရှိတယ် မဟုတ်လား။

သံချေး၊ ပိုးရွဖျက်ဆီးတတ်ပြီး သူခိုးဓားပြများ၊ ထွင်းဖောက်ခိုးယူနိုင်တဲ့ လောကီဘဏ္ဍာတွေကို မစုဆောင်းကြပါနဲ့။ ဒီလိုလောကီဘဏ္ဍာတွေကို စုဆောင်းမယ့်အစားနိဗ္ဗာန်ရွှေမြို့တော်မှာ သံချေး၊ပိုးရွတို့မဖျက်ဆီးနိုင်တဲ့၊ခိုးသူတို့မထွင်းဖောက်နိုင်တဲ့ ရတနာတွေကို စုဆောင်းကြပါ။ မင်းတို့ရဲ့စိတ်နှလုံးဟာ ရတနာရှိရာနေရာကို အမြဲအာရုံရောက်နေလိမ့်မယ်။

မင်းတို့ဟာ မတူကွဲပြား တဲ့သခင်နှစ်ပါးစလုံးရဲ့ အစေခံမဖြစ်နိုင်ပါ။ မင်းဟာ တစ်ဦးကိုကျန်တစ်ဦးထက်ပိုပြီးနှစ်သက်ပါလိမ့်မယ် (ဒါမှမဟုတ်) မင်းဟာ တစ်ဦးအပေါ်ကို ကျန်တစ်ဦးထက်ပိုပြီး သစ္စာရှိပါလိမ့်မယ်။ မင်းဟာ ဘုရားရှင်ရဲ့ အစေခံနဲ့လောကစည်းစိမ်ရဲ့ကျေးကျွန်အဖြစ် တစ်ချိန်တည်းမှာဖြစ်နိုင်မှာမဟုတ်ဘူး။

ဘုရားရှင်ဟာ ဒီနေ့၊ မနက်ဖြန်မီးထဲကို ပစ်ချခံရတော့မယ့် ကွင်းပြင်ထဲမှာရှိတဲ့ သစ်ပင်ပန်းပင်တွေအားလုံးကိုတောင် လှပအောင် ပြုလုပ်ပေးတော်မူရင် မင်းတို့ကိုလည်း ဒီထက် မက ပေးသနားတော်မူလိမ့်မယ်။ ဘာကြောင့် ယုံကြည်မှုအားနည်းနေကြသလဲ။

ဒီလိုလုပ်မယ့်အစား ပေးကမ်းလှူဒါန်းတဲ့အခါမှာ ညာလက်နဲ့လုပ်ရင် ဘယ်လက်ကမသိပါစေနဲ့။ .ဒီလိုလျှို့ဝှက်စွာပေးကမ်းတဲ့အမှုကို အဖဘုရားရှင်က သိတော်မူရင် ဆုတော်လာဘ်တော်များပေးသနားတော်မူပါ လိမ့်မယ်။

ကောင်းမှုကုသိုလ်ပြုလုပ်လို့ရှိရင်လည်း လူတွေချီးမွမ်းခံရစေဖို့ အများမြင်သာအောင် မပြုလုပ်ပါနဲ့။ဒီလိုလုပ်မိရင် နိဗ္ဗာန်ရွှေမြို့တော်မှာ ရှိတော်မူတဲ့ အဖဘုရားဆီက ဘာဆုလာဘ်ကိုမှ ရမှာမဟုတ်ဘူး။

မင်းတို့အစာရှောင် ဥပုသ်စောင့်တဲ့အခါမှာ သူတော်ကောင်းယောင်ဆောင်သူ တွေလို ညှိုးငယ်တဲ့မျက်နှာနဲ့ မနေပါနဲ့။ဒီလို သူတော်ကောင်းယောင်ဆောင်သူတွေဟာ သူတို့ ဥပုသ်စောင့်တာကို လူတွေသိအောင် မျက်နှာမသစ် ခေါင်းမဖီးဘဲနေတတ်ကြတယ်။ ငါအမှန်အတိုင်းပြောရရင် သူတို့ခံစားထိုက်တဲ့အကျိုးကို ခံစားရပြီးဖြစ်‌တယ်။ ဒီလိုလုပ်မယ့်အစား မိမိတို့ ရဲ့ ဆံပင်တွေကိုဆီလူးပြီး ခေါင်းဖီး ပါ။မျက်နှာသစ်ကာသန့်ရှင်းစွာနေပါ။ မိမိအစာရှောင်တာကို တစ်ခြားသူတွေ မသိစေဘဲ အဖဘုရားရှင်သာ တိတ်တဆိတ်သိရှိတော်မူရင် မင်း ကို ဆုလာဘ်များပေးသနားတော်မူပါလိမ့်မယ်။