Mistari Maarufu ya Biblia kutoka Methali 11

Shirikisha

Mtu mkarimu atafanikishwa, amnyweshaye mwingine maji naye atanyweshwa.

Atoaye kwa ukarimu huzidi kutajirika; lakini bahili huzidi kudidimia katika umaskini.

Kiburi huandamana na fedheha, lakini kwa watu wanyenyekevu mna hekima.

Pasipo na uongozi taifa huanguka, penye washauri wengi pana usalama.

Matendo ya mwadilifu huleta uhai, lakini uhalifu huuondoa uhai.

Apitapitaye akichongea hutoa siri, lakini anayeaminika rohoni huficha siri.

Mtu mkarimu hufaidika yeye mwenyewe, lakini mtu mkatili hujiumiza mwenyewe.

Anayetegemea mali zake ataanguka, lakini mwadilifu atastawi kama jani bichi.

Utajiri haufai kitu siku ya ghadhabu, lakini uadilifu huokoa kutoka kifo.

Unyofu wa watu wema huwaongoza, upotovu wa wenye hila huwaangamiza.

Mwanamke mzuri asiye na akili, ni kama pete ya dhahabu puani mwa nguruwe.

Mizani ya udanganyifu ni chukizo kwa Mwenyezi-Mungu, lakini matumizi ya kipimo halali ni furaha kwake.