SOMA BIBLIA KILA SIKU 01/20Mfano

Watu wengi wanazungumza kuhusu maneno yaliyo katika sura ya 5 hadi 7 kama Hotuba ya mlimaniya Yesu. Kuna mistari tisa inayoanza na neno heri, ambalo ni sawa na kusema "amebarikiwa”. Kuwa maskini wa roho, mwenye huzuni, mpole, na mwenye njaa ya kiu ya haki, ni sifa ya mtu aliyepondeka moyo na kujitambua kuwa akiwa peke yake hawezi kukabiliana na mambo yanayomkabili katika maisha. Anachohitaji ni kupokea uweza wa Bwana unaomsaidia kusonga mbele katika safari. Utoshelevu wa Mkristo upo katika hali ya kujua kwamba anamhitaji Yesu kwa kila jambo na Yesu hatamwacha awe peke yake.