Soma Biblia Kila Siku 03/2020Mfano

Huenda Nathani alikuwa nabii mshauri kwa mfalme Daudi. Wajibu wake unalingana na ule aliokuwa nao Samweli kwa mfalme Sauli. Tunasoma mara kwa mara kwamba Daudi alikuwa anamwuliza Bwana juu ya mipango yake (k.m. 5:19). Labda maana yake ni kwamba alimwuliza Nathani ambaye alikuwa anapata jibu kwa Bwana kama ilivyo katika somo la leo. Tunamkuta Daudi akiwa anastarehe katika nyumba yake nzuri. Ndipo akawaza kuwa huenda sasa muda ulikuwa umefika wa kumjengea Bwana nyumba nzuri? Lakini Bwana alikataa, akisema, Mimi sikukaa ndani ya nyumba, tangu siku ile niliyowatoa wana wa Israeli katika Misri, hata leo(m.6).