Soma Biblia Kila Siku 03/2020Mfano

Mungu alikuwa na sababu mbili za kukataa wazo la Daudi. 1. Alikuwa bado hajamaliza kumjengeaDaudi nyumba, yaani kuuimarisha ufalme wake (m.11, BWANA anakuambia ya kwamba BWANA atakujengea nyumba). Baadaye tutaona kuwa Daudi alikusanya mali nyingi iliyomwezesha mwana wake kulijenga hekalu. 2. Daudi alikuwa mfalme wa vita, alikuwa amemwaga damu nyingi (1 Nya 22:7-10, Daudi akamwambia Sulemani mwanawe, … Neno la Bwana likanijia, kusema, Wewe umemwaga damu nyingi, na vita vikubwa umevifanya; wewe hutajenga nyumba kwa ajili ya jina langu, kwa sababu umemwaga damu nyingi juu ya nchi machoni pangu). Ila Bwana alimpa pia ahadi nzuri kuhusu ufalme wake na ukoo wake! Ilitimizwa kwanza kwa Sulemani aliyejenga hekalu. Lakini zaidi sana ilitimizwa kwa njia ya Yesu Kristo, kama malaika alivyomwambia Mariamu, Huyo atakuwa mkuu, ataitwa Mwana wa Aliye juu, na Bwana Mungu atampa kiti cha enzi cha Daudi, baba yake. Ataimiliki nyumba ya Yakobo hata milele, na ufalme wake utakuwa hauna mwisho(Lk 1:32-33). Hivyo Yesu amekuwa pembe ya wokovu katika mlango wa Daudi, mtumishi wakeMungu (Lk 1:69).