Soma Biblia Kila Siku 03/2020Mfano

Daudi, mtunzi wa zaburi, alikuwa na maadui wengi waliotumia fitina na masingizio kama silaha za kumshambulia. Tafakari Daudi alivyomkimbilia Mungu hapo. Hakutumia silaha hizohizo za sumu na hila kama adui zake, bali alimtegemea BWANA kuwa mtetezi wake atakayemletea ushindi. Alimwachia Mungu kuhakikisha kwamba adui zake watapata adhabu waliyostahili kutokana na uovu huo waliokuwa wanamkusudia yeye. Wewe unapofitiniwa, kushambuliwa au kusingiziwa, kumbuka Mungu ndiye mtetezi wako. Mtegemee, ukiomba kuona haki yake. Ndiye kazi ya Mungu kuwaadhibu waovu na kuwaokoa wenye haki, naye atafanya.