Soma Biblia Kila Siku 03/2020Mfano

Wafilisti wote wakapanda kumtafuta Daudi (m.17). Huko mwanzo Daudi alijulikana kwa Waisraeli kwa sababu ya kumshinda yule Mfilisti Goliathi. Alikuwa amemtegemea Bwana peke yake, na Bwana alimpa ushindi wa ajabu. Leo tunaona kuwa Daudi bado ana moyo huo huo. Mara mbili twasoma Daudi akauliza kwa Bwana (m.19, 23). Na alipokuwa ameshinda, alijua ni ushindi wa Bwana wala si ushindi wake: Bwana amewafurikia adui zangu mbele yangu (m.20; ling. m.24). Fundisho: Tuwe na utii na unyenyekevu mbele ya Bwana! Je! Bwana huzipenda sadaka za kuteketezwa na dhabihu Sawasawa na kuitii sauti ya Bwana? Angalia, kutii ni bora kuliko dhabihu, Na kusikia kuliko mafuta ya beberu(1 Sam 15:22).