Soma Biblia Kila Siku 03/2020Mfano

Sisi tukisengenywa vibaya, hujaribiwa kutumia maneno makali yasiyo na hekima kwa kujibu masengenyo hayo. Ni tofauti na Daudi. Anaomba alindwe na dhambi hiyo. Hataki kufuata njia mbaya ya watu waovu. Iwapo mtu wa Mungu ana sababu ya kumkemea, Daudi anaomba wakati wowote apokee maneno hayo kuwa baraka kwake, kana kwamba amepakwa mafuta (m.5, Mwenye haki na anipige, itakuwa fadhili; anikemee, itakuwa kama mafuta kichwani). Na mwenyewe, siku zote atapinga uovu. Huwa unatumia maneno gani kujibu, wakati unapokosolewa au kupingwa na walio kinyume nawe? Omba ufanane na Daudi.