Soma Biblia Kila Siku 05/2020Mfano

Ayubu anabainisha hali ya watu wasio wa Mungu. Madhara ya kutokuwa na imani hai yako bayana. Huenda wanafanikiwa, lakini hata hapo hakuna kutosheka. Wanakabiliwa na hali inayotisha: Kuna kifo kisichoombolezwa (ling. Yer 15:2, Hapo watakapokuambia, Tutoke, tuende wapi? Utawaambia, Bwana asema hivi, Walioandikiwa kufa, watakwenda kufa; au kufa kwa upanga, watakufa kwa upanga; au kufa kwa njaa, watakufa kwa njaa, au kutekwa nyara, watakuwa mateka). Uchumi wao hauaminiki, hutoweka kwa usiku mmoja (m.19,Hujilaza hali ni tajiri, lakini ndio mwisho; Hufunua macho yake, naye hayuko). Mwisho wa wasio haki ni kutoweshwa kwa kupoteza uhai. Hakuna Mungu wa kuwahurumia (m.21-22, Upepo wa mashariki humchukua, naye huondoka; Na kumkumba atoke mahali pake.Kwani Mungu atamtupia asimhurumie). Tunafanyaje tukishuhudia mwisho huu kwao? Kama ilivyoandikwa katika m.23? Tafakari mstari huu, Watu watampigia makofi, Na kumzomea atoke mahali pake.