Soma Biblia Kila Siku 05/2020Mfano

Ayubu anaitazama historia ya maisha yake aliyoishi hapo zamani. Haitazami tu, bali anaitafakari kwa kina. Anakumbuka ulinzi wa Mungu, na jinsi ushauri wake wa kirafiki ulivyompa mwangaza na kumfanya Ayubu kuwa msiri wa Mungu (m.4,Kama nilivyokuwa katika siku zangu za kukomaa, Hapo siri ya Mungu ilipokuwa hemani mwangu). Anakosa sana familia yake (m.5, Wakati Mwenyezi alipokuwa akali pamoja nami, Nao watoto wangu walipokuwa wakinizunguka). Zilikuwa nyakati za fahari zenye kuheshimiwa na kuogopwa. Ayubu anatamani hali hiyo tena, lakini kwa sasa haipo. Ulinzi, nuru, urafiki wa Mungu, watoto, maziwa, heshima - je, kipi kina maana zaidi kwako? Tafakari!