Soma Biblia Kila Siku 05/2020Mfano

Maadui wanaitumia hali ya mwenye haki kama silaha yao. Hali yake ya awali iliwafanya wajizuie (Ayubu anadokeza hiyo akisema,Hawajizuii tena mbele yangu; m.11b), lakini sasa katika hali yake ya unyonge wanamletea mzaha. Ingawa hali ya wanaomdharau ni dhaifu (Ayubu anaifafanua katika m.2-8), amekuwa wimbo wa kicheko kwao. Wamemtenga na kumtendea kama mtu asiye na ulinzi. Mlinzi wa Ayubu ndiye Mungu, lakini sasa haonekani kwake tena. Basi, kwa wasio wema Ayubu ni mtu aliyeshindwa maisha. Wewe unamwonaje? Pima pia kama Ayubu anajihurumia kwa sababu tu ya kukosa heshima na mafanikio.