Soma Biblia Kila Siku 09/2020Mfano

Kuenea na kukua kwa Ukristo kumeambatana na mateso. Mateso haya yameleta au kusababisha vifo vya Wakristo wanaosimama imara kumshudia Kristo kwa wazi, kwa siri na kweli. (Ukiwa na nafasi, soma Mdo 6:8-15 na 7:54-60 kuhusu Stefano.) Mateso ya Wakristo yamekuwa chachu njema ya kueneza Injili ya Kristo. (Unaweza kusoma mfano katika Mdo 8:1-8.) Tunapokabiliana na matatizo katika maisha ya ufuasi, tusikate tamaa wala kurudi nyuma. Ushindi upo, kwa kuwa kazi ya Mungu haishindwi. Hao waliokombolewa na Bwana watarudi, watafika Sayuni wakiimba; na furaha ya milele itakuwa juu ya vichwa vyao; nao watapata kicheko na furaha, huzuni na kuugua zitakimbia(Isa 35:10).