Soma Biblia Kila Siku 09/2020Mfano

Unabii unaonesha kuwa marafiki wa Yuda watamgeuka, watamshambulia na kumwaibisha (rudia m.22-27). Hii ni tahahari kwa kila Mkristo ambaye Jumapili anaonekana kanisani kuabudu na kumbe siku nyingine za wiki anafanya machukizo mbele za Mungu. Hayohayo yanayofikirika ni mazuri siku moja yatakuwa mashambulio ya aibu. Yesu anasema ni vema kuchagua moja, ama uwe moto kabisa au uwe baridi kabisa, maana walio vuguvugu Yeye atawatapika siku ya mwisho.Ndivyo anavyosema katika Ufu 3:15-16, Nayajua matendo yako, ya kuwa hu baridi wala hu moto; ingekuwa heri kama ungekuwa baridi au moto.Basi, kwa sababu una uvuguvugu, wala hu baridi wala moto, nitakutapika utoke katika kinywa changu. Kama umeamua kuwa Mkristo, baki kwa Kristo tu.