Soma Biblia Kila Siku 10/2020Mfano

Nimepata mtoto mwanamume kwa BWANA(m.1). Hawa alitambua kwamba ni kwa nguvu ya Mungu na kwa upendo wake amepata mtoto. Huenda alifikiri kwamba Mungu tayari ameshatimiza ahadi yake, kwamba huyu mtoto ni uzao utakaomshinda nyoka (3:15, Nitaweka uadui kati yako na huyo mwanamke, na kati ya uzao wako na uzao wake; huo utakuponda kichwa, na wewe utamponda kisigino)! Kwa vyo vyote maneno haya yanatuonyesha kwamba Adamu na Hawa wamethibitika katika imani kwamba Mungu bado anawapenda! Lakini Kaini, mtoto wao wa kwanza, hakuwa na imani iliyokubalika mbele ya Mungu (m.3-5). Linganisha na ilivyoandikwa kuhusu Habili katika Ebr 11:4, Kwa imani Habili alimtolea Mungu dhabihu iliyo bora kuliko Kaini; kwa hiyo alishuhudiwa kuwa ana haki; Mungu akazishuhudia sadaka zake, na kwa hiyo, ijapokuwa amekufa, angali akinena.