Soma Biblia Kila Siku Aprili 2021Mfano

Kama Kristo Yesu hakufufuka, hatuna tumaini na imani ya kikristo haina maana. Tumepotea kabisa, maana mwokozi wetu alipojaribu kuondoa dhambi zetu, alishindwa na kufa, na nje ya Kristo hakuna imani ya kufufuka. Lakini sasa Neno la Mungu na imani ya Kikristo vinashuhudia kuwa Kristo amefufuka. Wale wapingao na wenye mashaka juu ya tukio hili hawana uthibitisho wa kutokufufuka kwake. Kwa kuwa Kristo Yesu alifufuka, wote wanaomwamini watapata baraka ya kufufuliwa kimwili kama yeye.