Soma Biblia Kila Siku Novemba 2021Mfano

Hizi ishara mbili, ile kuu na ile nyingine zinatukumbusha nini? Ni nani huyo mtoto mwanamume atakayewachunga mataifa? Mfano wa fimbo ya chuma umetoka Zab 2:9 ilipoandikwa, Utawaponda kwa fimbo ya chuma. Mhusika ni Mwana wa Mungu aliyetabiriwa na nabii Isaya akisema, Maana kwa ajili yetu mtoto amezaliwa, Tumepewa mtoto mwanamume; Na uweza wa kifalme utakuwa begani mwake; Naye ataitwa jina lake, Mshauri wa ajabu, Mungu mwenye nguvu, Baba wa milele, Mfalme wa amani (Isa 9:6-7). Kwamba alipaa mbinguni yathibitisha kuwa tayari tumeshawekewa ushindi kwa njia ya Yesu Kristo. Hata shetani (= joka) atishe vipi au afanye vita vya aina gani, kumwamini Yesu Kristo ni kushinda na kuwa upande wa ushindi. Hakika, bila Yesu joka latisha, na maisha ni bure!