Soma Biblia Kila Siku Novemba/2022Mfano

Wokovu wako nimeungoja, Ee Bwana (m.18). Yakobo akishamaliza kutabiri habari za Dani, na kabla hajasema la Gadi, hapo ndipo aliponena haya. Ni sala ionyeshayo hamu ya moyo wake. Mungu alimpa kuona mambo mengi mazuri na mabaya yatakayotokea siku zijazo. Kwa hiyo hakuweza kuzuia mdomo wake, akamwomba na kumlilia Bwana kwa sala hii! Katika 1 Pet 1:10-12 imeandikwa kuwa katika habari ya wokovu huu manabii walitafuta-tafuta na kuchunguza-chunguza ambao walitabiri habari za neema itakayowafikia ninyi. Wakatafuta ni wakati upi, na wakati wa namna gani ulioonywa na Roho wa Kristo aliyekuwa ndani yao, ambaye alitangulia kuyashuhudia mateso yatakayompata Kristo, na utukufu utakaokuwako baada ya hayo. Wakafunuliwa ya kuwa si kwa ajili yao wenyewe, bali kwa ajili yenu walihudumu katika mambo hayo, ambayo sasa yamehubiriwa kwenu na wale waliowahubiri ninyi Injili kwa Roho Mtakatifu aliyetumwa kutoka mbinguni. Mambo hayo malaika wanatamani kuyachungulia! - Moyoni una hamu gani?