Pumziko Kwa WaliochokaMfano

Kwa nini kuja kwa Yesu kunatoa tumaini la kupumzika kwa waliochoka?

Jibu linakuja likiwa limewekwa katika mwongozo unaofuata ambao Yesu alitoa kwa umati: “Jitieni nira yangu” (Mathayo 11:29).

Tunapokuja kwa Yesu, tunapokea nira yake, na, kama ng'ombe akilima shambani, lazima tunyenyekee chini ya uongozi Wake. Sisi sio tena bwana na mkuu wa hatima yetu, lakini kama wanafunzi wa kwanza katika Injili ya Mathayo walioitwa na Yesu (Petro na Andrea), tunasikia na kutii amri ya Yesu ya "Mfuate" (Mathayo 4:19). Hata hivyo, nira hii, inaelezewa kuwa rahisi:

"Kwa maana nira yangu ni laini, na mzigo wangu ni mwepesi" (Mathayo 11:30).

Neno la Kigiriki chrēstos—ambalo limetafsiriwa hapa kuwa “rahisi”—linatafsiriwa vyema zaidi kuwa “linalofaa au lililotengenezwa kwa mahususi.” Nira mbaya ya kuvaa inaweza kumsumbua na kumchosha ng'ombe katikati ya kazi yake, lakini nira rahisi ya Yesu ni ile inayoundwa kikamilifu kwa ajili ya mfuasi anayemfuata. Baada ya yote, Yeye ndiye Muumba wa vitu vyote na anajua mahitaji yetu zaidi. Mtunga-zaburi alielezea usikivu huu kwa mahitaji yetu kwa njia hii:

"Bwana huwahurumia wamchao. Kwa maana Yeye mwenyewe anajua umbo letu; Anakumbuka ya kuwa sisi tu mavumbi” (Zaburi 103:13 – 14).

Kumfuata Yesu na kuchukua nira yake si kama vile kutembea katika bustani. Itahusisha dhabihu, utii, na utiifu kwa mapenzi ya Bwana. Hata hivyo, ni kujitiisha kwa furaha kwa yule aliyetuumba, yeye anayetujali sana, na anatujua zaidi.

Je, ni kwa jinsi gani tunajifunza kunyenyekea kwa nira nyepesi ya Yesu kama Bwana wetu?