Soma Biblia Kila Siku /Septemba 2023Mfano

Hekima humpa mtu maongozi ya jinsi ya kuongea neno zuri wakati wa kufaa, na kuamua mambo yapasayo. Neno la Mungu ni mwongozo bora. Linatuongoza katika kujua jinsi ya kuwatendea wengine. Usifanye maamuzi kwa pupa. Uwe mwangalifu na matumizi ya ulimi wako, ukikumbuka ilivyoandikwa katika Yak 3:9-12:Kwa huo [ulimi] twamhimidi Mungu Baba yetu, na kwa huo twawalaani wanadamu waliofanywa kwa mfano wa Mungu.Katika kinywa kile kile hutoka baraka na laana. Ndugu zangu, haifai mambo hayo kuwa hivyo.Je! Chemchemi katika jicho moja hutoa maji matamu na maji machungu?Ndugu zangu, Je! Mtini waweza kuzaa zeituni, au mzabibu kuzaa tini? Kadhalika chemchemi haiwezi kutoa maji ya chumvi na maji matamu. Mungu akufundishe kutenda unachokisema na kukiahidi kwa uaminifu. Neno la mwenye hekima kwa mtu msikivu ni bora kuliko pete au vito vya dhahabu safi (m.12:Kipuli cha dhahabu, na pambo la dhahabu safi; Ndivyo alivyo mwonyaji mwenye hekima kwa sikio lisikialo).