Soma Biblia Kila Siku 01/2024Mfano

Hali yetu ya kibinadamu inatufanya kuyaona makosa au udhaifu wa wengine kuliko wa kwetu. Hata tunakuwa wepesi wa kulaumu na kuwahukumu wengine. Neno la Mungu linatuonya kwamba anayeweza kuona na kutoa hukumu ya kweli ni Mungu tu, siyo mwanadamu. Na hapo ni lazima tujue kuwa maovu ya kila mtu yapo wazi mbele za Mungu. Vilevile tufahamu kuwa Yesu anajua kuwa kuna wale wanaoliheshimu Neno la Mungu katika hali ya ukweli, na kuna wale wanaolidharau na kulitumia kwa malengo yao wenyewe. Kuhusu hao Yesu anasema,Msiwape mbwa kilicho kitakatifu, wala msitupe lulu zenu mbele ya nguruwe, wasije wakazikanyaga chini ya miguu yao, wakageuka na kuwararua(m.6).